ആരോഗ്യം നല്‍കാനും അനാരോഗ്യത്തിനും കാരണമാകുന്നവയാണ് ഭക്ഷണങ്ങള്‍. ഇന്നത്തെ കാലത്ത് റാഗിയുടെ പ്രാധാന്യം ഏറെ വര്‍ദ്ധിച്ചു വരുന്നു. പ്രമേഹം, കൊളസ്‌ട്രോള്‍ പോലുള്ള പല ലൈഫ്‌സ്റ്റൈല്‍ രോഗങ്ങള്‍ക്കും ഇത് നല്ലൊരു പരിഹാരമാണ്. റാഗിയില്‍ പല പോഷകങ്ങളും അടങ്ങിയിട്ടുണ്ട്.സീറോ കൊളസ്‌ട്രോൾ അടങ്ങിയ റാഗി തടി കുറയാനും ഏറെ നല്ലതാണ്.
നാം കുട്ടികൾക്കായി നൽകുന്ന ഒന്നാണ് പൊതുവേ റാഗി.റാഗിയിൽ ഇരുമ്പ് സമ്പുഷ്ടമായ അളവിൽ നിറഞ്ഞിരിക്കുന്നു. റാഗി കുറുക്കിയതും മറ്റും കുട്ടികൾക്ക് ആരോഗ്യപരമായ ഗുണങ്ങൾ ഏറെ നൽകുന്ന ഒന്നാണ്. ചര്‍മത്തിനും ഇതേറെ ഗുണം നല്‍കുന്ന ഒന്നാണ്.
ക്യാരറ്റ്
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
റാഗി തയ്യാറാക്കാന്‍ വേണ്ടത് റാഗിയ്‌ക്കൊപ്പം ക്യാരറ്റ്, മധുരത്തിന് വേണ്ടി ഈന്തപ്പഴം എന്നിവയാണ്. ക്യാരറ്റ് ആരോഗ്യത്തിന് ഏറെ ഗുണകരമാണ്. പല ആരോഗ്യഗുണങ്ങളും നല്‍കുന്ന ഒന്നാണ് ക്യാരറ്റ്. വൈറ്റമിന്‍ സി, ബീറ്റാ കരോട്ടിന്‍, അയേണ്‍ എന്നിവയെല്ലാം അടങ്ങിയ ക്യാരറ്റ് വൈററമിന്‍ എയുടെ സമ്പുഷ്ടമായ ഉറവിടം കൂടിയാണ്. കണ്ണിന്റെ ആരോഗ്യത്തിനും ചര്‍മത്തിന്റെ ആരോഗ്യത്തിനും ക്യാരറ്റ് ഏറെ ഗുണകമരമാണ്. ആന്റി ഓക്‌സിഡന്റുകളാല്‍ സമ്പുഷ്ടം കൂടിയാണ് ഇത്.
ഈന്തപ്പഴം
ഈന്തപ്പഴത്തിലും പോഷകങ്ങള്‍ ഏറെയുണ്ട്. കാല്‍സ്യം, മഗ്നീഷ്യം, സള്‍ഫര്‍, പൊട്ടാസ്യം, ഫോസ്ഫറസ്, കോപ്പര്‍ തുടങ്ങിയ പല പോഷകങ്ങളും ഇതിലുണ്ട്. പല തരം വൈറ്റമിനുകളും പോഷകങ്ങളുമടങ്ങിയ ഒന്നാണിത്. മലബന്ധം പോലുള്ള പ്രശ്‌നങ്ങള്‍ക്കുള്ള ഏറ്റവും മികച്ച പരിഹാരമാണ് ഈന്തപ്പഴം. ഹീമോഗ്ലോബിന്‍ കൗണ്ട് വര്‍ദ്ധിപ്പിയ്ക്കുന്ന ഇത് ആരോഗ്യപരമായ പല ഗുണങ്ങളും നല്‍കുന്നു.
പാല്‍
ഇത് തയ്യാറാക്കാന്‍ റാഗി നല്ലതുപോലെ കഴുകി കുതിര്‍ത്തുക. ഇത് പിന്നീട് ആവശ്യത്തിന് വെളളം ചേര്‍ത്ത് അരച്ചെടുക്കണം. നല്ലതുപോലെ അരയ്ക്കുക. കട്ടിയായല്ല, ഒരുവിധം വെളളത്തോടെ അരിച്ചെടുക്കാന്‍ പാകത്തിന് വേണം, ഇത് തയ്യാറാക്കാന്‍. ഇത് പിന്നീട് ഒന്നോ രണ്ടോ ഗ്ലാസ് വെളളം കൂട്ടി അരിച്ചെടുക്കാം. ഈ മിശ്രിതം നല്ലതുപോലെ കുറുക്കുക. ഇളം ചൂടില്‍ നല്ലതുപോലെ ഇളക്കി വേണം, കുറുക്കിയെടുക്കാന്‍. ക്യാരറ്റ് കഴുതി തൊലി കളഞ്ഞ് വേവിയ്ക്കുക. ഇത് നല്ലതുപോലെ വേവിച്ച ശേഷം ചൂടാറുമ്പോള്‍ രണ്ടുമൂന്ന് ഈന്തപ്പഴം കുരു കളഞ്ഞത് ചേര്‍ത്ത് അല്‍പം പാല്‍ അല്ലെങ്കില്‍ തേങ്ങാപ്പാല്‍ ചേര്‍ത്ത് മിക്‌സിയില്‍ അരച്ചെടുക്കാം.
ഇതിലേയ്ക്ക് റാഗി കുറുക്കിയത് ആവശ്യത്തിന് ചേര്‍ത്തിളക്കുക. ഒരു ഗ്ലാസില്‍ അല്‍പം ചിയാ സീഡ്‌സ് ചേര്‍ക്കുക. ഇതിലേക്ക് നേരത്തെ തയ്യാറാക്കി വച്ചിരിയ്ക്കുന്ന റാഗി-ക്യാരറ്റ് മിശ്രിതം ചേര്‍ത്തിളക്കാം. ഇത് അല്‍പം കട്ടിയായി ഒരു സ്മൂത്തി രൂപത്തില്‍ തയ്യാറാക്കാം. ഇത് രാവിലെ പ്രാതലായി കഴിയ്ക്കാം.
പ്രമേഹം, കൊളസ്‌ട്രോള്‍ എന്നിവ കുറയ്ക്കാനും തടി കുറയ്ക്കാനും അയേണ്‍ വര്‍ദ്ധനവിനും ചര്‍മത്തിന് നിറവും തിളക്കവും വര്‍ദ്ധിയ്ക്കാനും ഈ സ്മൂത്തി ഏറെ ഗുണം നല്‍കും. ഇതില്‍ നട്‌സോ സീഡുകളോ ചേര്‍ക്കാം. മധുരം പോരെന്നുള്ളവര്‍ക്ക് ഇതില്‍ അല്‍പം ശുദ്ധമായ തേന്‍ ചേര്‍ക്കാം. റാഗി കൂടുതല്‍ കുറുക്കി തയ്യാറാക്കി ഫ്രിഡ്ജില്‍ വച്ചാല്‍ ആവശ്യത്തിന് എടുത്ത് ഉപയോഗിയ്ക്കാന്‍ സാധിയ്ക്കും.
