റാന്നിയിൽ നിന്നും
ജാഗ്രതാ ന്യൂസ്
പ്രാദേശിക ലേഖകൻ
റാന്നി: മക്കപ്പുഴ ഗേറ്റിനു സമീപം കാൽനടയാത്രക്കാരൻ അജ്ഞാത വാഹനം ഇടിച്ചു മരിച്ചു. റാന്നി മക്കപ്പുഴ ചേത്തയ്ക്കൽ സന്തോഷ് (43)ആണ് മരിച്ചത്. ബുധനാഴ്ച രാത്രി ഒൻപതരയോടെയായിരുന്നു കേസിനാസ്പദമായ സംഭവം. വീട്ടിലേയ്ക്കു നടന്നു പോകുകയായിരുന്ന സന്തോഷിനെ പിന്നാലെ എത്തിയ വാഹനം ഇടിച്ചു വീഴ്ത്തുകയായിരുന്നു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
്അപകടത്തിനിടയാക്കിയ വാഹനം നിർത്താതെ ഓടിച്ചു പോയി. ശബ്ദം കേട്ട് ഓടിക്കൂടിയ നാട്ടുകാരാണ് സന്തോഷിനെ ആശുപത്രിയിൽ എത്തിച്ചത്. അപ്പോഴേയ്ക്കും മരണം സംഭവിച്ചിരുന്നു. അപകടത്തെ തുടർന്നു നിർത്താതെ പോയ വാഹനത്തിന്റെ വിശദാംശങ്ങൾ ലഭിച്ച പൊലീസ് സംഘം സമീപത്തെ പൊലീസ് സ്റ്റേഷനിലേയ്ക്കു സന്ദേശം നൽകി.
ഇതിന്റെ അടിസ്ഥാനത്തിൽ നടത്തിയ പരിശോധനയിൽ മുക്കട ഭാഗത്ത് വച്ച് വാഹനം പൊലീസ് സംഘം കസ്റ്റഡിയിൽ എടുത്തതായി സൂചനയുണ്ട്. എന്നാൽ, ശാസ്ത്രീയ പരിശോധന അടക്കം പൂർത്തിയാക്കിയ ശേഷം മാത്രമേ അപകടത്തിൽപ്പെട്ട വാഹനം ഇത് തന്നെയാണോ എന്ന് സ്ഥിരീകരിക്കാൻ സാധിക്കൂ.
മരിച്ച സന്തോഷിനെ ആദ്യം റാന്നി താലൂക്ക് ആശുപത്രിയിൽ എത്തിച്ചിരുന്നു. മൃതദേഹം ഇവിടെ സൂക്ഷിച്ചിരിക്കുകയാണ്. രാത്രി തന്നെ മൃതദേഹം ഇവിടെ നിന്നും തിരുവല്ല മാർത്തോമാ ആശുപത്രിയിലേയ്ക്കു മാറ്റും. സംഭവത്തിൽ റാന്നി പൊലീസ് കേസെടുത്തു.
