റബ്ബർ ഉൽപ്പന്നങ്ങളുടെ ജിഎസ്ടി നികുതിയിളവ് : റബർ മേഖലയ്ക്ക് കുതിപ്പേകുന്ന നരേന്ദ്രമോദി സർക്കാരിൻ്റെ ഓണസമ്മാനം : എൻ. ഹരി

കോട്ടയം : റബർ അധിഷ്ഠിതഉൽപ്പന്നങ്ങൾക്കു പ്രഖ്യാപിച്ച വൻ ജി എസ് ടി നികുതിയിളവ് റബർ കർഷകർക്കും ‘കാർഷിക മേഖലയ്ക്കുമുള്ള നരേന്ദ്രമോദി സർക്കാരിൻറെ ഓണസമ്മാനമാണെന്ന് ബി ജെ പി നേതാവ് എൻ. ഹരി

റബർ മേഖലയുമായി ബന്ധപ്പെട്ട ഉൽപ്പന്നങ്ങളുടെ ജിഎസ്ടി ഇളവ് ഈ മേഖലയ്ക്ക് കരുത്തും ഉണർവും പകരും. നികുതി ഇളവ് നൽകുന്ന സംബന്ധിച്ച് നടത്തിയ വിവിധതരത്തിലുള്ള ചർച്ചകളുടെയും നിവേദനങ്ങളുടെയും ഫലമായാണ് വളരെ ഗുണപരമായ മാറ്റത്തിലേക്ക് നയിക്കുന്ന ഇളവുകൾ പ്രഖ്യാപിച്ചത്. കേരളത്തിലെ റബ്ബർ കർഷകസമൂഹത്തിന്റെ ആവശ്യം അങ്ങേയറ്റം പ്രയോജനപ്രദമായ രീതിയിൽ നടപ്പാക്കിയ മോദി സർക്കാരിന് അഭിനന്ദനങ്ങൾ.

ലാറ്റക്സ്റബ്ബർ നൂൽ
ട്രാക്ടർ പിൻ ടയറുകളും ട്രാക്ടർ പിൻടയർ ട്യൂബുകൾ,
ഫീഡിംഗ് ബോട്ടിലുകളുടെ
നിപ്പിൾ,സർജിക്കൽ റബ്ബർ കയ്യുറകൾ, മെഡിക്കൽ പരിശോധന റബ്ബർ കയ്യുറകൾ, റബ്ബർ ബാൻഡുകൾ ഉൾപ്പെടെ നിരവധി ഉൽപ്പന്നങ്ങക്കാണ് വൻ നികുതി വെട്ടിക്കുറവ് വരുത്തിയത്.

കേരളത്തിലെ റബർ കൃഷിക്കും കർഷകർക്കും പ്രയോജനപ്രദം ആകുന്ന നിരവധി പദ്ധതികളും നരേന്ദ്രമോദി സർക്കാർ സമീപകാലത്ത് പ്രഖ്യാപിച്ചിരുന്നു.
ഇത് റബർമേഖലയുടെ ഉത്തേജനത്തിന് വഴിവച്ചിരുന്നു.അതിനിടയിലാണ് ഉത്പാദന വിതരണ രംഗത്ത് ആകെ പ്രതിഫലിക്കുന്ന നികുതി ഇളവുകൾ പ്രഖ്യാപിച്ചത്.