എരുമേലി: ശബരിമല പാതയിൽ കെ.എസ്.ആർ.ടി.സി ബസും സ്വകാര്യ ബസും കൂട്ടിയിടിച്ച് ഡ്രൈവർ അടക്കം അഞ്ചു പേർക്ക് പരിക്ക്. വെള്ളിയാഴ്ച വൈകിട്ട് അഞ്ച് മണിയോടെയാണ് അപകടം ഉണ്ടായത്. പമ്പയിൽ നിന്നും അയ്യപ്പഭക്തരുമായി എറണാകുളത്തേയ്ക്ക് പോയ കെ.എസ്.ആർ.ടി.സി ബസാണ് എതിർ ദിശയിൽ നിന്നും എത്തിയ പ്രൈവറ്റ് ബസുമായി കൂട്ടിയിടിച്ചത്. പരമ്പരാഗത പാത വഴി ശബരിമലയിലേയ്ക്കു നടന്നു പോകുകയായിരുന്ന അയ്യപ്പഭക്തരെ ഇറക്കിയ ശേഷം തിരികെ വന്ന കെ.എസ്.ആർ.ടി.സി ബസുമായി കൂട്ടി ഇടിയ്ക്കുകയായിരുന്നു. ഇടിയുടെ ആഘാതത്തിൽ സ്വകാര്യ ബസിനുള്ളിൽ കുടുങ്ങിക്കിടന്ന ഡ്രൈവറെ അഗ്നിരക്ഷാ സേനയും, പൊലീസും, ശബരിമല സേഫ് സോൺ ഡ്യൂട്ടിയിലുണ്ടായിരുന്ന ഉദ്യോഗസ്ഥരും ചേർന്നാണ് രക്ഷാപ്രവർത്തനം നടത്തിയത്. പരിക്കേറ്റവരെ ആശുപത്രിയിൽ പ്രവേശിപ്പിച്ചു.
Advertisements
