പമ്പ : ശബരിമലയിലെ ഭക്തജന തിരക്ക് തുടരുന്നു. ഇന്നലെ 90,000 വെര്‍ച്വല്‍ക്യു ബുക്കിങ്ങ് ഉണ്ടായിരുന്നെങ്കിലും 65,000 പേര്‍ക്ക് മാത്രമാണ് ദര്‍ശനം നടത്താനായത്. ബാക്കിയുള്ളവര്‍ക്ക് ഇന്ന് പുലര്‍ച്ചെയാണ് പതിനെട്ടാംപടി ചവിട്ടാനായത്. ഇന്ന് 70,000 പേര്‍ വെര്‍ച്വല്‍ക്യു ബുക്കിങ് നടത്തിയിട്ടുണ്ട്. തിരക്ക് നിയന്ത്രണം ഉറപ്പാക്കണമെന്ന ഹൈക്കോടതി നിര്‍ദേശമുള്ളതിനാല്‍ പരമാവധി ഭക്തരെ പതിനെട്ടാംപടി ചവിട്ടിക്കാനുള്ള ശ്രമത്തിലാണ് പൊലീസ്. ക്യുകോംപ്ലക്സുകളില്‍ ഭക്തരെ തടഞ്ഞുള്ള തിരക്കുനിയന്ത്രണം തുടരും. ഇന്നലെ ദർശനം പൂർത്തിയാകാത്തവരും, സ്പോട്ട് ബുക്കിങും കൂടി എത്തുമ്പോൾ ഇന്നും വൻ തിരക്ക് അനുഭവപ്പെടാന്‍ സാധ്യത. അതേസമയം ബുക്കിങ് പരിധി 80,000 ആയി കുറച്ചിട്ടുണ്ടെങ്കിലും എന്ന്മുതലാണ് നടപ്പാക്കുക എന്ന കാര്യത്തിൽ വ്യക്തതയില്ല.
Advertisements
