എരുമേലി : തമിഴ് നാട്ടിൽ നിന്നുള്ള ശബരിമല തീർത്ഥാടകരുമായി എത്തിയ ബസ് എരുമേലിയിൽ നിയന്ത്രണം വിട്ട് മറിഞ് മൂന്ന് പേർക്ക് പരിക്ക്. ബസിനുള്ളിൽ കുടുങ്ങിയ ഡ്രൈവറെ ഒന്നര മണിക്കൂറിന് ശേഷമാണ് പുറത്തെടുത്തത്. ശനിയാഴ് ച പുലർച്ചെ എരുമേലി പാർക്കിങ് ഗ്രൗണ്ടിലായിരുന്നു അപകടം. ഗ്രൗണ്ടിൽ നിർത്തിയിട്ടിരുന്ന ബസ് ബ്രേക്ക് നഷ്ടമായി മുന്നോട്ട് ഉരുണ്ട് നീങ്ങുകയായിരുന്നു. തുടർന്ന് , റോഡ് മുറിച്ച് കടന്ന് എതിർ വശത്തെ കുഴിയിലേയ്ക്ക് പതിച്ചു. ഈ സമയം റോഡിൽ തിരക്ക് കുറവായതിനാൽ വൻ അപകടം ഒഴിവായി. നാട്ടുകാരും പൊലീസും അഗ്നിരക്ഷാ സേനയും മോട്ടോർ വാഹന വകുപ്പും ചേർന്നാണ് പരിക്കേറ്റവരെ പുറത്ത് എത്തിച്ചത്.
Advertisements
