എരുമേലി: എരുമേലി – ശബരിമല പാതയിൽ കണമല മുട്ടപ്പള്ളിയിൽ അയ്യപ്പഭക്തർ സഞ്ചരിച്ച കാറും നാട്ടുകാർ സഞ്ചരിച്ച കാറും തമ്മിൽ കൂട്ടിയിടിച്ചു. കാറിൽ സഞ്ചരിച്ച സ്ത്രീകൾ അടക്കം ഏഴു പേർക്ക് പരിക്കേറ്റു. ഞായറാഴ്ച വൈകിട്ട് 6.40 ഓടെ ശബരിമല പാതയിൽ കണമലയ്ക്കു സമീപമായിരുന്നു അപകടം. ശബരിമല ദർശനത്തിന് ശേഷം മടങ്ങിയ മലപ്പുറം സ്വദേശികളായ അയ്യപ്പഭക്തർ അടങ്ങിയ സംഘം സഞ്ചരിച്ച കാർ നിയന്ത്രണം നഷ്ടമായി എതിർ ദിശയിൽ നിന്നും എത്തിയ കാറുമായി കൂട്ടിയിടിക്കുകയായിരുന്നു.
ഇരുവാഹനങ്ങളും റോഡിന്റെ നടുവിൽ വച്ച് നേർക്കുനേർ കൂട്ടിയിടിക്കുകയായിരുന്നു. അപകടത്തെ തുടർന്ന് റോഡിൽ ഗതാഗത തടസവുമുണ്ടായി. എരുമേലി സ്വദേശികൾ സഞ്ചരിച്ച കാറിലുണ്ടായിരുന്ന മൂന്നു പേർക്കും, മലപ്പുറം സ്വദേശികൾ സഞ്ചരിച്ച കാറിലുണ്ടായിരുന്ന നാലു പേർക്കുമാണ് പരിക്കേറ്റത്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ഇതേ തുടർന്നു അപകട വിവരം അറിഞ്ഞ് മോട്ടോർ വാഹന വകുപ്പ് സേഫ് സോൺ വിഭാഗം മോട്ടോർ വെഹിക്കിൾ ഇൻസ്‌പെക്ടർ ആശാകുമാറിന്റെ നേതൃത്വത്തിലുള്ള സംഘം സ്ഥലത്ത് എത്തി. തുടർന്നു നാട്ടുകാരുടെയും പൊലീസിന്റെയും സഹായത്തോടെ അപകടത്തിൽപ്പെട്ട വാഹനം റോഡിൽ നിന്നും നീക്കി. അപകടത്തിൽ പരിക്കേറ്റവരെ മുക്കൂട്ടുതറയിലെ അസീസി ആശുപത്രിയിൽ പ്രവേശിപ്പിച്ചു.
