സൃഷ്ടി2023 പ്രസ്സ് അവാർഡുകൾ പ്രഖ്യാപിച്ചു; ഹിന്ദു ദിനപത്രത്തിന്റെ ഫോട്ടോഗ്രാഫർ വിഷ്ണു പ്രതാപ് മികച്ച ഫോട്ടോഗ്രാഫർ : ദേശാഭിമാനി ലേഖകൻ മനാഫ് എ. എസ് മികച്ച റിപ്പോർട്ടർ 

കോട്ടയം: സെന്റ്ഗിറ്റ്സ് എഞ്ചിനീയറിംഗ് കോളേജിൽ നടന്ന  “സൃഷ്ടി 2023”- ഒമ്പതാമത് അഖിലേന്ത്യാ എഞ്ചിനീയറിംഗ് പ്രൊജെക്ട്  പ്രദർശനത്തിന്റെ ഭാഗമായി നടത്തിയ പ്രസ്സ് ഫോട്ടോഗ്രഫി അവാർഡുകൾ പ്രഖ്യാപിച്ചു. 

സൃഷ്ടി പ്രസ് റിപ്പോർട്ട് അവാർഡ് – 

ദേശാഭിമാനി ദിനപത്രം കോട്ടയം ബ്യൂറോ ഏരിയ റിപ്പോർട്ടർ മനാഫ് എ. എസ് ഒന്നാം സമ്മാനമായ 10000 രൂപയ്ക്കും പ്രശസ്തിപത്രത്തിനും  അർഹനായി. രണ്ടാം സമ്മാനം  മാതൃഭൂമി ദിനപത്രത്തിലെ സീനിയർ ന്യൂസ് റിപ്പോർട്ടർ  രശ്മി രഘുനാഥ്, ജനയുഗം ദിനപത്രം കോട്ടയം ബ്യൂറോ ഇൻ ചാർജ് സരിത കൃഷ്ണൻ എന്നിവർ പങ്കിടുന്നു. ഇരുവർക്കും അയ്യായിരം രൂപയും പ്രശസ്തിപത്രവും ലഭിക്കും.

സൃഷ്ടി പ്രസ് ഫോട്ടോഗ്രഫി അവാർഡ് 

ദ ഹിന്ദു ദിനപത്രത്തിൻ്റെ ന്യൂസ് ഫോട്ടോഗ്രാഫർ വിഷ്ണു പ്രതാപ് പ്രസ് ഫോട്ടോഗ്രഫി മത്സരത്തിലെ

ഒന്നാം സമ്മാനമായ 10000 രൂപയ്ക്കും പ്രശസ്തിപത്രത്തിനും  അർഹനായി.രണ്ടാം സമ്മാനമായ അയ്യായിരം രൂപയും പ്രശസ്തിപത്രവും  ജന്മഭൂമി   ദിനപത്രത്തിലെ സീനിയർ ന്യൂസ് ഫോട്ടോഗ്രാഫർ വി.ബി. ശിവപ്രസാദിനാണ്. ഏപ്രിൽ 1 ശനിയാഴ്ച വൈകിട്ട് ആറുമണിക്ക് സെന്റ്ഗിറ്റ്സ് എഞ്ചിനീയറിംഗ് കോളേജിൽ നടന്നുകൊണ്ടിരിക്കുന്ന പ്രദർശനത്തിൽ പുരസ്കാരങ്ങൾ വിതരണം ചെയ്യും.