തൈറോയ്ഡ് രോഗമുണ്ടോ…? നിങ്ങൾക്ക് രോഗത്തിൽ നിന്നും ഇങ്ങനെ രക്ഷപെടാം; ദിവസവും ഇറങ്ങുന്നതിന് മുൻപ് ഇത് കഴിക്കൂ

തൈറോയ്ഡ് രോഗം കൈകാര്യം ചെയ്യുന്നതിൽ പോഷകാഹാരത്തിന് വളരെയധികം പങ്കുണ്ട്. ഗോയിറ്റർ, ഹൈപ്പർതൈറോയിഡിസം, ഹൈപ്പോതൈറോയിഡിസം, തൈറോയിഡൈറ്റിസ്, തൈറോയ്ഡ് കാൻസർ എന്നിവയാണ് പ്രധാന തൈറോയ്ഡ് രോഗങ്ങൾ.

മനുഷ്യശരീരത്തിലെ ഒരു അന്തഃസ്രാവി ഗ്രന്ഥിയാണ് തൈറോയ്ഡ് ഗ്രന്ഥി. അന്ത്രഃസ്രാവികളിൽ വച്ച് ഏറ്റവും വലിപ്പം കൂടിയ ഗ്രന്ഥിയാണിത്. നാളീരഹിത ഗ്രന്ഥിയായ തൈറോയ്ഡ് ഗ്രന്ഥിയുടെ ധർമം ഉപാപചയ പ്രക്രിയകളെ നിയന്ത്രിക്കുക എന്നതാണ്. ഉപാപചയ പ്രവർത്തനങ്ങളെ പിന്തുണയ്ക്കുന്ന ഹോർമോണുകൾ ഇവ ഉത്പാദിപ്പിക്കുന്നു. എന്നാൽ ചില സമയങ്ങളിൽ, ഈ ഗ്രന്ഥിയുടെ പ്രവർത്തനം തകരാറിലാവുകയും, യഥാക്രമം ഹൈപ്പർതൈറോയിഡിസം എന്നും ഹൈപ്പോതൈറോയിഡിസം എന്നും വിളിക്കപ്പെടുന്ന ഹോർമോണുകൾ വളരെ കുറവായി ഉത്പാദിപ്പിക്കുന്നു. തൈറോയ്ഡ് ഹോർമോണിലെ പ്രധാന ഘടകം അയഡിനാണ്. അതിനാൽ ഭക്ഷണത്തിൽ അയഡിന്റെ അംശം കുറഞ്ഞാൽ തൈറോയ്ഡ് ഹോർമോണിന്റെ ഉത്പാദനം കുറയുകയും അനുബന്ധലക്ഷണങ്ങൾ പ്രത്യക്ഷപ്പെടുകയും ചെയ്യും. ഈ പ്രശ്നം ഭക്ഷണത്തിലൂടെ തന്നെ പരിഹരിക്കാവുന്നതാണ്.

അയഡിൻ കൂടാതെ, തൈറോയ്ഡ് ഗ്രന്ഥിയുടെ പ്രവർത്തനത്തെ ബാധിച്ചേക്കാവുന്ന മറ്റ് നിരവധി മൈക്രോ ന്യൂട്രിയന്റുകൾ ഉണ്ട്. രോഗം നിയന്ത്രിക്കുന്നതിന്, ധാരാളം പഴങ്ങളും പച്ചക്കറികളും കഴിക്കേണ്ടതുണ്ട്. മാത്രമല്ല, ബീൻസ്, പയർവർഗ്ഗങ്ങൾ, മത്സ്യം, മുട്ട, മാംസം എന്നിവ ഭക്ഷണത്തിൽ ഉൾപ്പെടുത്താനും നിർദ്ദേശിക്കുന്നു. പ്രത്യേകിച്ച് തൈറോയ്ഡ് പ്രവർത്തനത്തെ സഹായിക്കുന്ന സെലിനിയം ഉണങ്ങിയ പഴങ്ങളിൽ അടങ്ങിയിട്ടുണ്ട്. തൈറോയ്ഡ് രോഗലക്ഷണങ്ങൾ നിയന്ത്രിക്കാൻ സഹായിക്കുന്ന പോഷകാഹാര വിദഗ്ദർ നിർദ്ദേശിക്കുന്ന ചില ലഘുഭക്ഷണങ്ങൾ എന്തൊക്കയാണെന്ന് നോക്കാം. ഇവ ഉറങ്ങുന്നതിന് മുമ്ബ് കഴിക്കുന്നതാണ് ഉത്തമം.

1. കുതിർത്ത കശുവണ്ടി
   കശുവണ്ടിയിൽ സെലിനിയം എന്ന ധാതു അടങ്ങിയിട്ടുണ്ട്. ഇത് ശരിയായ തൈറോയ്ഡ് പ്രവർത്തനം ഉറപ്പാക്കുന്നതിലും തൈറോയ്ഡ് അളവ് നിയന്ത്രിക്കുന്നതിലും തൈറോയ്ഡ് ടിഷ്യുവിനെ ഓക്‌സിഡേറ്റീവ് സ്‌ട്രെസിൽ നിന്ന് സംരക്ഷിക്കുന്നതിലും ഒരു പ്രധാന പങ്ക് വഹിക്കുന്നു. ദിവസവും 4-5 കുതിർത്ത കശുവണ്ടി കഴിക്കുന്നത് നല്ലതാണ്.
2. തേങ്ങ കഷണം
   തേങ്ങയിൽ ഉയർന്ന അളവിലുള്ള മീഡിയം ചെയിൻ ഫാറ്റി ആസിഡുകൾ ഉണ്ട്. ഇത് മെറ്റബോളിസവും ഊർജ്ജ നിലയും വർദ്ധിപ്പിക്കുകയും രക്തത്തിലെ പഞ്ചസാരയെ നിയന്ത്രിക്കാൻ സഹായിക്കുകയും ചെയ്യുന്നു. ഇത് തൈറോയ്ഡ് ആരോഗ്യം മെച്ചപ്പെടുത്താൻ സഹായിക്കും.
3. 1 ടീസ്പൂൺ ചിയ വിത്തുകൾ(കുതിർത്തത്)
   ചിയ വിത്തുകൾ ഒമേഗ -3 യുടെ സമ്ബന്നമായ ഉറവിടമാണ്. ഒമേഗ-3 ഫാറ്റി ആസിഡുകൾക്ക് ആൻറി-ഇൻഫ്‌ലമേറ്ററി ഗുണങ്ങളുണ്ട്, ഇത് തൈറോയ്ഡ് ഗ്രന്ഥിയുമായി ബന്ധപ്പെട്ട അവസ്ഥകളായ ഹാഷിമോട്ടോയുടെ തൈറോയ്‌ഡൈറ്റിസ്, ഡിക്വെർവെയിൻസ് തൈറോയ്‌ഡൈറ്റിസ് അല്ലെങ്കിൽ മറ്റ് തൈറോയ്‌ഡൈറ്റിസ് എന്നിവയിൽ വീക്കം കുറയ്ക്കാൻ സഹായിക്കും.
4. 1 ടീസ്പൂൺ വറുത്ത മത്തങ്ങ വിത്തുകൾ
   മത്തങ്ങ വിത്തുകൾ തൈറോയ്ഡ് ആരോഗ്യത്തിന് നിർണായകവും തൈറോയ്ഡ് ഹോർമോണുകളുടെ സമന്വയത്തിനും ആവശ്യമായ സിങ്കിന്റെ സമ്ബന്നമായ ഉറവിടമാണ്. കൂടാതെ, മത്തങ്ങ വിത്തുകൾ ഉറക്കത്തെ പ്രോത്സാഹിപ്പിക്കുന്ന അമിനോ ആസിഡായ ട്രിപ്‌റ്റോഫന്റെ സ്വാഭാവിക ഉറവിടമാണ്. മത്തങ്ങ വിത്തുകളിലെ സിങ്ക്, കോപ്പർ, സെലിനിയം എന്നിവയും ഉറക്കത്തിന് സഹായിക്കും.