തിരുവല്ല നഗരസഭ
ചെയര്‍പേഴ്‌സൺ തിരഞ്ഞെടുപ്പ് ഇന്ന് : മുൻ അദ്ധ്യക്ഷ യു ഡി എഫിൽ : ഇരുമുന്നണികളും തന്ത്രങ്ങൾ മെനഞ്ഞ്

തിരുവല്ല: നഗരസഭയുടെ ചെയര്‍പേഴ്‌സൺ തിരഞ്ഞെടുപ്പ് ഇന്ന്. എല്‍ഡിഎഫ് നേതൃത്വവുമായുള്ള ഭിന്നതയെ തുടര്‍ന്ന് ശാന്തമ്മ വര്‍ഗീസ് ഫെബ്രുവരി 6 ന് ചെയര്‍പേഴ്‌സണ്‍ സ്ഥാനം രാജിവെച്ചതിനെ തുടര്‍ന്നാണ് തിരഞ്ഞെടുപ്പ് വേണ്ടി വന്നത്.
2022 ജൂൺ 16 – ൽ നടന്ന തെരഞ്ഞെടുപ്പിൽ കേരള കോൺഗ്രസ് (ജോസഫ്) അംഗം ശാന്തമ്മ വർഗ്ഗീസിനെ എൽ ഡി എഫ്ന്റെ കൂടെ കൂട്ടിയാണ് ചെയർ പേഴ്സൺ സ്ഥാനം ടോസ്സിലൂടെ നേടിയത്. രാവിലെ 11ന് തിരഞ്ഞെടുപ്പ് നടപടികൾ ആരംഭിക്കും. നിലവില്‍ 39 അംഗ കൗണ്‍സിലില്‍ യുഡിഎഫിന് 16 , എല്‍ഡിഎഫ് 15, ബിജെപി 6, സ്വതന്ത്രന്‍ 1, എസ്ഡിപിഐ 1, എന്നിങ്ങനെയാണ് കക്ഷിനില. കോൺഗ്രസ് അംഗം അനുജോർജ് ആണ് യു ഡി എഫ് സ്ഥാനാർത്ഥി. കേരള കോണ്ഗ്രസ് (എം) ലെ ലിൻഡ തോമസ് എൽഡിഎഫ് സ്ഥാനാർഥിയായും മത്സരിയ്ക്കും. വിദ്യാഭ്യാസ ഡെപ്യുട്ടി ഡയറക്ടറായിരിക്കും വരണാധികാരി .