തിരുവല്ല : എം സി റോഡിലെ തിരുമൂലപുരത്ത് ഓടിക്കൊണ്ടിരുന്ന കാറിന് തീപിടിച്ചു. തിരുമൂലപുരം ജംഗ്ഷനു സമീപം വെള്ളിയാഴ്ച ഉച്ചയോടെയായിരുന്നു സംഭവം. തിരുവല്ല ഭാഗത്തുനിന്നും ചെങ്ങന്നൂരിലേക്ക് പോയ ചെങ്ങന്നൂർ കോട്ട സ്വദേശിനി സുശീല ആനന്ദിന്റെ ഉടമസ്ഥതയിലുള്ള കാറിനാണ് തീ പിടിച്ചത്. എഞ്ചിന്റെ ഭാഗത്തുനിന്നും പുക ഉയരുന്നത് കണ്ട് വാഹനം നിർത്തിയ ശേഷം യാത്രക്കാർ പെട്ടെന്ന് പുറത്തിറങ്ങി. ഇതിന് പിന്നാലെ എൻജിൻ ഭാഗത്ത് തീ ആളി പിടിക്കുകയായിരുന്നു. സമീപവാസികളും തിരുവല്ലയിൽ നിന്നും എത്തിയ അഗ്നി രക്ഷാസനയും ചേർന്ന് തീയണച്ചു. ഷോർട്ട് സർക്യൂട്ട് ആണ് തീപിടുത്തത്തിന് ഇടയാക്കിയതെന്നാണ് പ്രാഥമിക നിഗമനം.
Advertisements
