വൈക്കം: നിയന്ത്രണം വിട്ട ടിപ്പർ ലോറി ടൂറിസ്റ്റ് ബസുമായി കൂട്ടിയിടിച്ചുണ്ടായ അപകടത്തിൽ ടിപ്പർ ലോറിയുടെ ക്ലീനർക്ക് പരിക്കേറ്റു.തലയോലപ്പറമ്പ് മേവെള്ളൂർ സ്വദേശി ഏലിയാസി(67)നാണ് പരിക്കേറ്റത്. ഏലിയാസിനെ വൈക്കം താലൂക്ക് ആശുപത്രിയിൽ പ്രവേശിപ്പിച്ചു. ഇന്ന് വൈകുന്നേരം 5.15ന് വൈക്കം വല്ലകം പള്ളിക്ക് സമീപമായിരുന്നു അപകടം. സിമന്റ് കട്ടയും കയറ്റിവന്ന ടിപ്പർ ലോറിയാണ് നിയന്ത്രണം വിട്ട്ടൂറിസ്റ്റ് ബസുമായി കൂട്ടിയിടിച്ചത്.
ഇടിയുടെ ആഘാതത്തിൽ തകർന്ന ലോറിയുടെ മുൻഭാഗത്ത് ഏലിയാസിന്റെ കാൽ കുടുങ്ങുകയായിരുന്നു. ഫയർഫോഴ്സിന്റെയും നാട്ടുകാരുടെയും നേതൃത്വത്തിൽ ഫ്രണ്ട് ഡോർ ഗ്യാസ് കട്ടർ ഉപയോഗിച്ച് വെട്ടിപ്പൊളിച്ചാണ് ഇയാളെ ലോറിയിൽ നിന്ന് പുറത്തെടുത്തത്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
അപകടത്തിൽടൂറിസ്റ്റ് ബസിന്റ മുൻഭാഗം തകർന്നു. ടൂറിസ്റ്റ് ബസിൽ ഏതാനും യാത്രക്കാരുണ്ടായിരുന്നെങ്കിലും ആർക്കും പരിക്കില്ല. അപകടത്തെ തുടർന്ന് വൈക്കം – തലയോലപ്പറമ്പ് റൂട്ടിൽ ഒരു മണിക്കൂറോളം ഗതാഗതം തടസപ്പെട്ടു.
