വൈക്കം താലൂക്ക് എൻ എസ് എസ് യൂണിയൻ നായർ മഹാ സമ്മേളനം : ഒരുക്കങ്ങൾ പൂർത്തിയായതായി ഭാരവാഹികൾ

ഫോട്ടോ:എൻഎൻഎസ് മഹാ സമ്മേളനത്തിൻ്റെ ഭാഗമായി വൈക്കം കായ ലോര ബീച്ചിൽ പന്തലിൻ്റെ നിർമാണം പുരോഗമിക്കുന്നു

വൈക്കം:
വൈക്കം താലൂക്ക് എൻഎസ്എസ് യൂണിയന്റെ നേതൃത്വത്തിൽ 13ന് വൈക്കത്ത് നടത്തുന്ന നായർ മഹാസമ്മേളനത്തിന്റെ ഒരുക്കങ്ങൾ പൂർത്തിയായതായി ഭാരാവാഹികൾ അറിയിച്ചു.
ഒരു വർഷമായി നടത്തിവരുന്ന മന്നം നവോത്ഥാന സൂര്യൻ എന്ന പരിപാടിയുടെ സമാപനവും നവതി ആഘോഷങ്ങളുടെ ആരംഭവുംകുറിച്ചു നടത്തുന്ന മഹാ സമ്മേളനത്തിൽവൈക്കം യൂണിയനിലെ 14 മേഖലകളിലെ 97 കരയോഗങ്ങളിൽ നിന്നും 25000 കരയോഗ അംഗങ്ങൾ പങ്കെടുക്കും.
മേഖലകളിൽ നിന്നും വരുന്ന അംഗങ്ങൾ വൈക്കം വലിയ കവലയിലെ മന്നം പ്രതിമ കോംപ്ലക്സിൽ സംഗമിക്കുന്നതോടെ ഉച്ചകഴിഞ്ഞ് രണ്ടിന് സാംസ്കാരിക ഘോഷയാത്ര ആരംഭിക്കും. വിവിധ വാദ്യമേളങ്ങൾ, നിശ്ചല ദൃശ്യങ്ങൾ, കലാരൂപങ്ങൾ തുടങ്ങിയവഘോഷയാത്രക്ക് മിഴിവേകും. വലിയകവല, വടക്കേനട, പടിഞ്ഞാറെ നട,കച്ചേരികവല,ബോട്ട് ജട്ടി വഴി ബീച്ച് മൈതാനിയിൽ ഘോഷയാത്ര സമാപിക്കും.
സമാപന യോഗം എൻ എസ്എസ് പ്രസിഡൻ്റ് എം. സംഗീത് കുമാർ ഉദ്ഘാടനം ചെയ്യും.

യൂണിയൻ ചെയർമാൻ പി.ജി.എം. നായർ കാരിക്കോട് അധ്യക്ഷത വഹിക്കും. എൻഎസ്എസ് സെക്രട്ടറി ഹരികുമാർ കോയിക്കൽ, ഡയറക്ടർ ബോർഡ് അംഗം ഇലഞ്ഞിയിൽ രാധാകൃഷ്ണൻ, രജിസ്ട്രാർ വി.വി.ശശിധരൻ നായർ കോട്ടയം യൂണിയൻ പ്രസിഡൻ്റ് ബി.ഗോപകുമാർ , കൊച്ചി യൂണിയൻ പ്രസിഡൻ്റ് ഡോ.എൻ.സി. ഉണ്ണികൃഷ്ണൻ , മീനച്ചിൽ യൂണിയൻ ചെയർമാൻ മനോജ് .ബി.നായർ , ഹൈറേഞ്ച് താലൂക്ക് യൂണിയൻ ചെയർമാൻ കെ.എസ്. അനിൽകുമാർ വൈക്കം വനിത യൂണിയൻ പ്രസിഡണ്ട് കെ. ജയലക്ഷമി, വൈക്കം യുണിയൻ വൈസ് ചെയർമാൻ പി. വേണുഗോപാൽ , സെക്രട്ടറി അഖിൽ.ആർ നായർ എന്നിവർ പ്രസംഗിക്കും. യൂണിയന്റെ വെബ് സൈറ്റിന്റെ ഉദ്ഘാടനവും സോവനീറിന്റ പ്രകാശനവും നടത്തും.
സമ്മേളനം നടക്കുന്ന ബീച്ച് മൈതാനിയിൽ 5000പേർക്ക് ഇരിക്കുവാൻ സൗകര്യമൊരുക്കിയിട്ടുണ്ട്.

സമ്മേളനത്തിൽ പങ്കെടുക്ക
വാൻ എത്തുന്ന അംഗങ്ങളുടെ വാഹനങ്ങൾ പാർക്കു ചെയ്യുവാൻ ആവശ്യമായ ക്രമികരണങ്ങൾ ഏർപ്പെടുത്തിയിട്ടുണ്ടന്ന് യൂണിയൻ ഭാരാവാഹികളായ പി.ജി.എം നായർകാരിക്കോട്, പി. വേണുഗോപാൽ, അഖിൽ .ആർ.നായർ ,പി.എൻ. രാധാകൃഷ്ണൻ ,എസ്. ജയപ്രകാശ്, ബി. അനിൽ കുമാർ ആര്യപ്പള്ളി ൽ ,എൻ. മധു , പി.എസ്. വേണുഗോപാൽ, എസ്. മുരുകേശ്, കെ.അജിത്, സിന്ധു മധുസൂദനൻ ,ശ്രീനിവാസ് കോയ്ത്താനം എന്നിവർ അറിയിച്ചു.