വൈക്കം : പനച്ചിക്കാട് പഞ്ചായത്തിലെ തിരിച്ചടിക്ക് പിന്നാലെ ഗ്രാമസഭ ഉപതെരഞ്ഞെടുപ്പിൽ എൽഡിഎഫിന് വിജയം. ചെമ്പ് പഞ്ചായത്ത് ഒന്നാം വാർഡിലേക്ക് നടന്ന ഉപതെരഞ്ഞെടുപ്പിലാണ് എൽഡിഎഫ് സിറ്റിംഗ് സീറ്റ് നിലനിർത്തിയത്. എൽ ഡി എഫ് സ്ഥാനാർഥി നിഷ വിജു 126 വോട്ടിൻ്റെ ഭൂരിപക്ഷത്തിലാണ് വിജയിച്ചത്. യുഡിഎഫ് സ്ഥാനാർഥി കവിതാ ഷാജി 347 വോട്ടും ബി ജെ പി സ്ഥാനാർഥി സിന്ധു മുരളി 42 വോട്ടും നേടി. എൽഡിഎഫ് സ്ഥാനാർഥിയായി വിജയിച്ച ശാലിനി മധു തുടർച്ചയായി പഞ്ചായത്ത് കമ്മറ്റിയിൽ പങ്കെടുക്കാതിരുന്നതിനെ തുടർന്ന് തെരഞ്ഞെടുപ്പ് കമ്മീഷൻ അയോഗ്യയാക്കിയതിനെ തുടർന്നാണ് ഉപതെരഞ്ഞെടുപ്പ് നടന്നത്.എൽ ഡി എഫ് ഭരണം നടത്തുന്ന ചെമ്പിൽ നിലവിൽ എൽഡിഎഫ് എട്ട് കോൺഗ്രസ് നാല്, കേരള കോൺഗ്രസ് ജോസഫ് ഒന്ന്, ബിജെപി ഒന്ന് എന്നിങ്ങനെയാണ് കക്ഷി നില.
Advertisements
