ചിങ്ങവനം: വെൽഫെയർ പാർട്ടി ചിങ്ങവനം യൂണിറ്റ് സമ്മേളനവും തിരഞ്ഞെടുപ്പും പ്രജിത്ത് പൊയ്കയിലിന്റെ വസതിയിൽ നടന്നു. യൂണിറ്റ് പ്രസിഡന്റ് രഞ്ജിത്ത് പി യുടെ അധ്യക്ഷതയിൽ കൂടിയ സമ്മേളനത്തിന്റെ ഉദ്ഘാടനം വെൽഫെയർ പാർട്ടി കോട്ടയം ജില്ലാ പ്രസിഡണ്ട് സണ്ണി മാത്യു നിർവഹിച്ചു. സമ്മേളനത്തോടനുബന്ധിച്ച് നെഹ്റു ട്രോഫി വള്ളംകളിയുടെ തുഴ നിർമ്മാണക്കാരനായ ആന്റണി സി ജെ ആദരിച്ചു. സമ്മേളനത്തിൽ പുതിയ തെരഞ്ഞെടുപ്പ് നടന്നു യൂണിറ്റ് പ്രസിഡന്റായി രഞ്ജിത്ത് പൊയ്കയിൽ സെക്രട്ടറിയായി പ്രജിത്ത് പി റ്റി യെയും ട്രഷറർ ആയി ദീപ രതീഷിനെയും വൈസ് പ്രസിഡന്റായി ആന്റണി സി ജെ യും തിരഞ്ഞെടുത്തു. ജില്ലാ സെക്രട്ടറി ദീപ രതീഷ് ആശംസകൾ അറിയിക്കുകയും മണ്ഡലം പ്രസിഡന്റ് സമാപനം നടത്തി കമ്മിറ്റി അംഗം രതീഷ് പി തങ്കപ്പൻ നന്ദിയും അറിയിച്ചു.
Advertisements
