കോട്ടയം : 9-ാമത് കോട്ടയം ജില്ലാ യോഗാസന സ്പോർട്ട്സ് ചാമ്പ്യൻഷിപ്പ് ജൂലൈ 28 ഞായർ രാവിലെ 8 മണി മുതൽ നാഗമ്പടത്തെ സ്പോർട്ട്സ് കൗൺസിൽ ഇൻഡോർ സ്റ്റേഡിയത്തിൽ നടക്കുന്നതാണ്. യോഗ അസോസിയേഷൻ ജില്ലാ പ്രസിഡന്റ് വി പി ലാലുമോൻ അധ്യക്ഷത വഹിക്കുന്ന ചടങ്ങിൽ സി കെ ഹരിഹരൻ സ്വാഗതം ആശംസിക്കുന്നതാണ്. ജില്ലാ പോലീസ് സൂപ്രണ്ട് കെ കാർത്തിക് ഐപിഎസ് ആണ് പരിപാടി ഉദ്ഘാടനം ചെയ്യുന്നത്. അവാർഡ് ദാനം നിർവഹിക്കുക യോഗ അസോസിയേഷൻ ഓഫ് കേരളയുടെ പ്രസിഡന്റ് ബി ബാലചന്ദ്രനാണ്. പരിപാടിയുമായി ബന്ധപ്പെട്ട് നിരവധി മത്സരങ്ങളും സംഘടിപ്പിക്കുന്നുണ്ട്. മത്സരങ്ങളിൽ പങ്കെടുക്കാൻ ആഗ്രഹിക്കുന്നവർ രാവിലെ 7 30ന് റിപ്പോർട്ട് ചെയ്യണം.
Advertisements
