വാടക കുടിശ്ശികയെ ചൊല്ലിയുള്ള തർക്കം; മാവേലി സ്റ്റോർ താഴിട്ട് പൂട്ടി കെട്ടിട ഉടമ

തൃശൂർ: വാടക കുടിശ്ശികയെ ചൊല്ലിയുള്ള തർക്കത്തിൽ മാവേലി സ്റ്റോറിന് പൂട്ടിട്ട് കെട്ടിട ഉടമ. താന്ന്യം പഞ്ചായത്തിലെ കിഴുപ്പിള്ളിക്കരയില്‍ സപ്ലൈകോയുടെ കീഴില്‍ പ്രവർത്തിക്കുന്ന മാവേലി സ്റ്റോറാണ് വാടക തർക്കത്തെ തുടർന്ന് കെട്ടിട ഉടമ താഴിട്ട് പൂട്ടിയത്. ഒടുവില്‍ അന്തിക്കാട് പൊലീസ് ഇടപെട്ടതോടെ ഉടമ തന്നെ പൂട്ട് തുറന്നു കൊടുത്തു. ഇന്ന് രാവിലെയായിരുന്നു സംഭവം.

Advertisements

മാവേലി സ്റ്റോർ പ്രവർത്തിക്കുന്ന മുറിയുടെ വാടക സംബന്ധിച്ച്‌ കെട്ടിട ഉടമയും സപ്ലൈക്കോയും തമ്മില്‍ തർക്കം നില നിന്നിരുന്നു. രണ്ട് വർഷത്തിലധികമായി ഉടമക്ക് വാടക ലഭിക്കുന്നില്ലെന്നായിരുന്നു പരാതി. വാടക കുടിശ്ശിക തീർക്കാനായി പല അവധി കൊടുത്തെങ്കിലും പരിഹാരമാകാത്തതിനാല്‍ ഉടമ സപ്ലൈക്കോക്ക് വക്കീല്‍ നോട്ടീസും അയച്ചിരുന്നു. എന്നാല്‍ പരിഹാരമുണ്ടായില്ല.
ഇതോടെയാണ് കഴിഞ്ഞ ദിവസം പ്രവർത്തി സമയം കഴിഞ്ഞ് മാവേലി സ്റ്റോറിലെ ജീവനക്കാർ പൂട്ടിയ ലോക്കിനടുത്ത് മറ്റൊരു ലോക്ക് ഇട്ട് ഉടമ പുട്ടിയത്.


നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube

രാവിലെ ജീവനക്കാരെത്തിയപ്പോഴാണ് സംഭവം അറിയുന്നത്. തുടർന്ന് വിവരം പൊലീസില്‍ അറിയിക്കുകയായിരുന്നു. ഇതിനിടെ സാധനങ്ങള്‍ വാങ്ങാനായി ആളുകളുമെത്തി. ഒടുവില്‍ അന്തിക്കാട് പൊലീസ് ഇടപെട്ടതോടെ കെട്ടിട ഉടമ സ്ഥലത്തെത്തി പൂട്ട് തുറന്നു നല്‍കുകയായിരുന്നു.

Hot Topics

Related Articles

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads. Please support us by disabling these ads blocker.