കോട്ടയം : പള്ളിക്കത്തോട്ടിൽ ചങ്ങനാശേരി സ്വദേശിയെ തടഞ്ഞ് വച്ച് പണം തട്ടിയ കേസിൽ രണ്ട് പേർ പിടിയിൽ. ആനിക്കാട് ചെങ്ങളം ഭാഗത്ത് നായിപ്ലാവിൽ വീട്ടിൽ സാജൻ ജോർജ് (47) , കൂരോപ്പട ളാക്കാട്ടൂർ കവല ഭാഗത്ത് ഉള്ളന്നൂർ അനൂപ് ജി നായർ (47) എന്നിവരെയാണ് പള്ളിക്കത്തോട് എസ് ഐ പി. എൻ ഷാജിയുടെ നേതൃത്വത്തിലുള്ള സംഘം അറസ്റ്റ് ചെയ്തത്. കഴിഞ്ഞ ജൂൺ 18 നായിരുന്നു കേസിനാസ്പദമായ സംഭവം.
ചങ്ങനാശ്ശേരി സ്വദേശിയായ ബിസിനസുകാരനെ പള്ളിക്കത്തോട് സമോവർ ഗ്രാൻഡ് റസ്റ്റോറന്റിൽ വിളിച്ചുവരുത്തി പ്രതികൾ ഭീഷണിപ്പെടുത്തുകയായിരുന്നു. ചങ്ങനാശേരി സ്വദേശിയുടെ വ്യാപാരസ്ഥാപനങ്ങൾ പൂട്ടിക്കുമെന്നു ഭീഷണിപ്പെടുത്തി പ്രതികൾ രണ്ടു കോടി രൂപ ആവശ്യപ്പെട്ടു. തുടർന്ന് റസ്റ്റോറന്റിൽ വിളിച്ചുവരുത്തി പരാതിക്കാരന്റെ കയ്യിൽ ഉണ്ടായിരുന്ന ഒരു ലക്ഷം രൂപ തട്ടിയെടുത്തു. സംഭവത്തിൽ കേസെടുത്ത് അന്വേഷണം നടത്തിയ പള്ളിക്കത്തോട് പോലീസ് പ്രതികളായ രണ്ട് പേരെയും അറസ്റ്റ് ചെയ്യുകയായിരുന്നു. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.
കോട്ടയം പള്ളിക്കത്തോട്ടിൽ ചങ്ങനാശേരി സ്വദേശിയെ തടഞ് വച്ച് പണം തട്ടി ; കൂരോപ്പട ആനിക്കാട് സ്വദേശികളായ രണ്ട് പേർ പിടിയിൽ
Advertisements