കോട്ടയം:കേരളത്തിലെ ക്ഷേത്രചരിത്രത്തില്‍ അപൂര്‍വ്വമായൊരു പ്രത്യേകത പുലർത്തുന്ന ക്ഷേത്രമാണ് കോട്ടയം ജില്ലയിലെ തിരുവാർപ്പ് ശ്രീകൃഷ്ണ സ്വാമി ക്ഷേത്രം. ഇവിടെ നിവേദ്യം ഒരിക്കലും മുടങ്ങരുത് എന്നതാണ് പ്രധാന നിബന്ധന. നട തുറക്കാനാകാതെ വന്നാലും കോടാലി ഉപയോഗിച്ച്‌ വെട്ടിപ്പൊളിച്ച്‌ അകത്തു കടന്ന് ദേവനോടുള്ള നിവേദ്യം നടത്തണമെന്നതാണ് പതിവ്. ഇതിനായി ക്ഷേത്രത്തില്‍ കോടാലി പ്രത്യേകം സൂക്ഷിച്ചിട്ടുമുണ്ട്.തിരുവാർപ്പില്‍ വാർപ്പിനുള്ളില്‍ പ്രതിഷ്ഠിച്ചിരിക്കുന്നത് ചതുർബാഹുവായ കൃഷ്ണവിഗ്രഹമാണ്. കംസനിഗ്രഹശേഷം വിശന്നുവലഞ്ഞ് എത്തിയ കൃഷ്ണനു അമ്മ ഉഷപായസം നല്‍കി വിശപ്പടക്കിയെന്ന വിശ്വാസമാണ് ഇവിടെ പ്രാധാന്യം.
അതിനാലാണ് പുലർച്ചെ രണ്ട് മണിക്ക് തന്നെ ക്ഷേത്രനട തുറക്കുന്നത്. അഭിഷേകം നടത്തി തല മാത്രം തുടച്ച ശേഷം ഉഷപായസം നിവേദ്യം ചെയ്യുന്നതും പതിവാണ്. ഇന്ത്യയില്‍ ഏറ്റവും ആദ്യം നട തുറക്കുന്ന ക്ഷേത്രമായി തിരുവാർപ്പ് അറിയപ്പെടുന്നു.ക്ഷേത്രത്തിന്റെ പ്രതിഷ്ഠ വില്വമംഗലം സ്വാമിയാരാണെന്നാണു പറയപ്പെടുന്നത്. പടിഞ്ഞാറോട്ട് ദർശനമുള്ള ക്ഷേത്രത്തില്‍ നിവേദ്യം മുടക്കരുത് എന്ന വിശ്വാസം ശക്തമാണ്. ഒരിക്കല്‍ ഗ്രഹണ സമയത്ത് ഏറെനേരം പൂജകള്‍ നിർത്തിവയ്ക്കേണ്ടിവന്നപ്പോള്‍, പിന്നീട് നട തുറന്നപ്പോൾ ഭഗവാന്റെ അരയിലെ കിങ്ങിണി അരഞ്ഞാണം താഴെ കാല്‍ക്കല്‍ വീണുകിടക്കുന്നതായി കണ്ടുവെന്നാണ് ക്ഷേത്രചരിത്രത്തില്‍ പറയപ്പെടുന്നത്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ഇതോടെ ഭഗവാന്‍ തന്നെ ‘നിവേദ്യം ഒരിക്കലും മുടക്കരുത്’ എന്ന് തെളിയിച്ചുവെന്നാണു വിശ്വാസം. അതിനുശേഷമാണ് നട തുറക്കാനാകാതെ വന്നാലും കോടാലി ഉപയോഗിച്ച്‌ വെട്ടിപ്പൊളിച്ച്‌ തുറക്കണമെന്ന പതിവ് ആരംഭിച്ചത്.രാവിലെ പന്തീരടി പൂജയ്‌ക്ക് ശേഷം നടത്തുന്ന പുള്ളാട്ട് പൂജയാണ് ക്ഷേത്രത്തിലെ മറ്റൊരു പ്രത്യേകത. ഇതിനായി നട 16 തവണ തുറന്നടക്കാറുണ്ട്. കേരളത്തിലെ മിക്ക ക്ഷേത്രങ്ങളിലും ഗ്രഹണ സമയത്ത് വിഗ്രഹങ്ങളെ മൂടുന്ന പതിവുണ്ടെങ്കിലും തിരുവാർപ്പില്‍ അങ്ങനെയില്ല. പകരം ഗ്രഹണാനന്തരമായി കലശവും അഭിഷേകവും പതിവായി നടത്താറുണ്ട്.