സിനിമയിലും സീരിയലിലും ഒരുപോലെ തിളങ്ങി പ്രേക്ഷക മനസുകളില്‍ ഇടംനേടിയ താരമാണ് നടി ഇന്ദുലേഖ. കൂടുതല്‍ സീരിയലുകളില്‍ സജീവമായിരിക്കുകയാണ് ഇന്ദുലേഖ ഇപ്പോള്‍. സോഷ്യല്‍ മീഡിയയിലും സജീവമാണ് താരം. നൃത്ത പരിപാടികളുടെയും മറ്റും ചിത്രങ്ങള്‍ അവര്‍ ഇൻസ്റ്റഗ്രാമില്‍ പങ്കുവെക്കാറുണ്ട്. ഇപ്പോഴിതാ ഒരു പരിപാടിക്കായി തയാറെടുക്കുന്ന താരത്തിന്‍റെ വീഡിയോയാണ് പങ്കുവെച്ചിരിക്കുന്നത്. ഷെഫ് പിള്ളയുടെ മാസ്റ്റർ ഷെഫ് പരിപാടിക്കായുള്ള തയാറെടുപ്പ് എന്ന ക്യാപ്ഷനോടെയാണ് ബിഹൈൻഡ് ദ സീൻസ് വീഡിയോ പങ്കുവച്ചിരിക്കുന്നത്. കുക്കിംഗ് ഷോ, ഷെഫ് പിള്ള എന്നീ ടാഗുകളും താരം നല്‍കിയിട്ടുണ്ട്.
ഷെഫ് പിള്ളയ്‌ക്കൊപ്പം കുക്കറി ഷോയില്‍ പങ്കെടുത്ത ഇന്ദുലേഖ തന്റെ സിനിമയിലേക്കുള്ള വരവിനെക്കുറിച്ചും സിനിമയിലും സീരിയലിലും മുപ്പത് വർഷത്തോളമായി നിലനില്‍ക്കുന്നതിനെക്കുറിച്ചും സംസാരിച്ചിരുന്നു. ഇരുപതാം വയസ്സിലായിരുന്നു ഇന്ദുലേഖയുടെ വിവാഹം. സംവിധായകൻ ശങ്കർ കൃഷ്ണ ആയിരുന്നു ഇന്ദുലേഖയുടെ ഭർത്താവ്. ഒരു അപകടം സംഭവിച്ച ശേഷം തുടർച്ചയായി പരാജയങ്ങള്‍ ഏറ്റുവാങ്ങേണ്ടി വന്നതോടെ ഭർത്താവില്‍ മദ്യപാന ശീലം കൂടുകയും അത് കരള്‍ രോഗത്തില്‍ എത്തി നില്‍ക്കുകയുമായിരുന്നു. ഭർത്താവിന് ലിവർ സിറോസിസ് ബാധിച്ചതോടെ ജീവിതം ദുരിതത്തിലായിത്തുടങ്ങിയ നാളുകളില്‍ ആയിരുന്നു മകളുടെ ജനനം. ആദ്യ സിനിമ വിനയൻ സാറിന്റെ ആകാശഗംഗ ആയിരുന്നു. എന്റെ ഒരു ഫോട്ടോ ഒരു മാഗസിനില്‍ കവർ പേജായി വന്നിരുന്നു. ചൈല്‍ഡ് ആർട്ടിസ്റ്റ് ആയി വന്നിട്ട് ഇപ്പോള്‍ 30 വർഷത്തോളം ആയി അഭിനയത്തില്‍ നില്‍ക്കുന്നു. ഇതിനൊപ്പം തന്നെ ആണ് പഠിത്തവും ജോലിയും ഒക്കെ കൊണ്ടുപോയത്. സിനിമയും സീരിയലും ഒരുപോലെ കൊണ്ടുപോയിരുന്നതാണ്. രണ്ടും ഒരുപോലെ ഇഷ്ടമാണെന്നും ഇന്ദുലേഖ പറയുന്നു.