അംഗൻവാടികൾക്ക് ഫർണ്ണിച്ചറുകളും കളിപ്പാട്ടങ്ങളും പാചക ഉപകരണങ്ങളും വിതരണം ചെയ്യുന്നു; പദ്ധതി ഉദ്ഘാടനം മാർച്ച് 31 ന്

കോട്ടയം: പള്ളം ബ്ലോക്ക് പഞ്ചായത്ത് കൊല്ലാട് ഡിവിഷനിലെ ഏഴ് വാർഡുകളിലെ അംഗൻ വാടികൾക്ക് ഫർണ്ണിച്ചറുകളും കളിപ്പാട്ടങ്ങളും പാചക ഉപകരണങ്ങളും നൽകുന്നു. ബ്ലോക്ക് പഞ്ചായത്തംഗം സിബി ജോണിന്റെ ഫണ്ടിൽ ഉൾപ്പെടുത്തിയാണ് ഇവ വാങ്ങി നൽകുന്നത്. മാർച്ച് 31 വെള്ളിയാഴ്ച രാവിലെ 09.30 ന് കൊല്ലാട് നാൽക്കവല ബാങ്കിനു സമീപത്തു നടക്കുന്ന ചടങ്ങിൽ തിരുവഞ്ചൂർ രാധാകൃഷ്ണൻ എംഎൽഎ ഉദ്ഘാടനം നിർവഹിക്കും. പള്ളം ബ്ലോക്ക് പഞ്ചായത്ത് പ്രസിഡന്റ് പ്രഫ.ടോമിച്ചൻ ജോസഫ് അധ്യക്ഷത വഹിക്കും.