പ്രസവത്തിനായി പ്രവേശിപ്പിച്ച ഭാര്യയെ ആശുപത്രിയിൽ നിന്നും ഡിസ്ചാർജ് ചെയ്യണം : മെഡിക്കൽ കോളേജ് ആശുപത്രിയിൽ ബഹളമുണ്ടാക്കി ഇതര സംസ്ഥാന തൊഴിലാളി ; തടയാൻ എത്തിയ പോലീസുകാരനെ കുത്തി

കോട്ടയം : പ്രസവ വാർഡിൽ പ്രവേശിപ്പിച്ച ഭാര്യയെ ഡിസ്ചാർജ് ചെയ്യണോന്നാവശ്യപ്പെട്ട് കോട്ടയം മെഡിക്കൽ കോളേജ് ആശുപത്രിയിൽ ഇതര സംസ്ഥാനക്കാരൻ്റെ അതിക്രമം.
പിടികൂടാനെത്തിയ
പൊലീസുകാരന് കുത്തേറ്റു.
ഗാന്ധിനഗർ സ്റ്റേഷനിലെ
സീനിയർ സി പി ഒ ദിലീപ് വർമ്മയ്ക്കാണ് കുത്തേറ്റത്.
പോലീസുകാരനെ ആശുപത്രിയിൽ പ്രവേശിപ്പിച്ചു.
ശരീരത്തിൽ സ്വയം മുറിവേൽപ്പിച്ച് ഭീഷണി മുഴക്കിയ ഒഡീഷ സ്വദേശി ഭരത് ചന്ദ്ര ആദിയെ പൊലീസ് പിടികൂടി.
ഇയാളെയും ആശുപത്രിയിൽ പ്രവേശിപ്പിച്ചു.
ഗൈനക്കോളജി വാർഡിൽ അഡിമിറ്റായ ഭാര്യയെ ഡിസ്ചാർജ് ചെയ്യണമെന്നാവശ്യപ്പെട്ടായിരുന്നു അതിക്രമം.