കോട്ടയം : അയർക്കുന്നത്ത് നിയന്ത്രണം നഷ്ടമായി മിനി ലോറി റോഡരികിലേയ്ക്ക് ഇടിച്ച് കയറി മുന്നു പേർക്ക് പരിക്ക്. വൈക്കം തോട്ടകം നെടുംതറ പാർവതി (25), ആംബുലൻസ് ഡ്രൈവർ ആർപ്പൂക്കര പടിഞ്ഞാറേ പുല്ലത്ത് അമൽ സി ഷാജി (27) , ശ്രീജിത്ത് എന്നിവർക്കാണ് പരിക്കേറ്റത്. അപകടത്തിൽ പരിക്കേറ്റവരെ മോട്ടോർ വാഹന വകുപ്പ് ഉദ്യോഗസ്ഥരാണ് വാഹനത്തിൽ ആശുപത്രിയിൽ എത്തിച്ചത്.
തിരുവഞ്ചൂർ അയർക്കുന്നം ചമയങ്കര ഭാഗത്തായിരുന്നു അപകടം. തമിഴ്നാട്ടിലേയ്ക്ക് പോകുകയായിരുന്ന മിനി ലോറി നിയന്ത്രണം നഷ്ടമായി റോഡരികിലെ കടയിലേയ്ക്ക് ഇടിച്ച് കയറുകയായിരുന്നു. ഈ സമയം റോഡരികിലെ കടയിൽ നിന്ന പാർവതിയ്ക്കും , അമലിനും പരിക്കേൽക്കുകയായിരുന്നു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ഈ സമയം ഇതുവഴി എത്തിയ മോട്ടോർ വാഹന വകുപ്പ് എൻഫോഴ്സ്മെന്റ് വിഭാഗം എം.വി.ഐ ആശാകുമാർ , എ.എം.വി.ഐമാരായ ജോർജ് വർഗീസ്, സജിത്ത് എന്നിവരുടെ നേതൃത്വത്തിൽ വാഹനത്തിലെത്തിയ ഉദ്യോഗസ്ഥ സംഘം അപകടത്തിൽപ്പെട്ടവരെ കോട്ടയം കാരിത്താസ് ആശുപത്രിയിൽ എത്തിച്ചു. അപകടത്തിൽപ്പെട്ട ആരുടെയും നില ഗുരുതരമല്ല.
