ബംഗളൂരു: ധർമ്മസ്ഥലയിൽ കൂട്ടസംസ്‌കാരം നടന്നെന്നാരോപിച്ച് നടക്കുന്ന കേസിൽ അന്വേഷണം നിർണായക വഴിത്തിരിവിലേക്ക്. ആക്ഷൻ കമ്മിറ്റി നേതാവ് മഹേഷ് തിമരോടിക്കെതിരേയാണ് അന്വേഷണം നീങ്ങുന്നത്. കേസിലെ പ്രധാന സാക്ഷിയുടെ മൊഴിയിലാണ് അന്വേഷണത്തിന് പുതിയ ദിശയൊരുങ്ങിയത്.
ശുചീകരണ തൊഴിലാളിയുടെ മൊഴി
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
കേസിൽ നേരത്തെ അറസ്‌റ്റിലായിരുന്ന ശുചീകരണ തൊഴിലാളി നൽകിയ പുതിയ മൊഴിയാണ് അന്വേഷണം തിമരോടിയിലേക്കു തിരിച്ചത്. തലയോട്ടി തനിക്കു നൽകിയതും അത് മഹേഷ് തിമരോടിയുടെ തോട്ടത്തിൽ നിന്നെടുത്തതുമാണെന്ന് ഇയാൾ പൊലീസിനോട് വെളിപ്പെടുത്തി.
ഫോറൻസിക് പരിശോധന
തലയോട്ടിയിൽ അടങ്ങിയിരുന്ന മണ്ണ് ഫോറൻസിക് പരിശോധനയ്ക്ക് അയക്കാൻ പൊലീസ് തീരുമാനിച്ചു. തിമരോടിയുടെ തോട്ടത്തിലെ മണ്ണുമായി താരതമ്യം ചെയ്തുള്ള പരിശോധനാ റിപ്പോർട്ട് കേസിൽ നിർണായകമായിരിക്കുമെന്നാണ് വിലയിരുത്തൽ.
വ്യാജ പരാതിയുടെ വെളിപ്പെടുത്തൽ
കേസിലെ മറ്റൊരു പരാതിക്കാരിയായ അനന്യ ഭട്ടിന്റെ അമ്മയായാണ് മുൻപ് തന്നെ അവകാശപ്പെട്ടിരുന്ന സുജാത ഭട്ടിനെ പൊലീസ് ചോദ്യം ചെയ്തു. ധർമ്മസ്ഥല ക്ഷേത്രവുമായി ബന്ധപ്പെട്ട സ്വത്ത് തർക്കം ചിലരുടെ പിന്തുണയോടെ വ്യാജ പരാതിയിലേക്ക് നയിച്ചതാണെന്ന് ഇവർ സമ്മതിച്ചതായാണ് വിവരം.
പോലീസിന്റെ നിലപാട്
ദക്ഷിണ കന്നഡയിലെ മുൻ ബി.ജെ.പി. നേതാവും ജനകീയ പിന്തുണയുള്ള തീവ്ര നിലപാടുകാരനുമായ മഹേഷ് തിമരോടിയെ ചോദ്യം ചെയ്യാൻ പോലീസിന് ഇപ്പോൾ തിടുക്കമില്ല. ശക്തമായ തെളിവുകൾ ശേഖരിച്ച ശേഷമേ തുടർനടപടികൾ കൈക്കൊള്ളുകയുള്ളുവെന്നതാണ് എസ്.ഐ.ടി.യുടെ നിലപാട്.