പൗരത്വ നിയമത്തിൽ സംസ്ഥാന സര്‍ക്കാരുകള്‍ക്ക് യാതൊരു റോളുമില്ല ; നടപ്പാക്കേണ്ടത് കേന്ദ്ര സർക്കാർ : അഡ്വ ജയശങ്കർ

തിരുവനന്തപുരം : പൗരത്വനിയമം പാസാക്കുന്നത് കേന്ദ്രസര്‍ക്കാരാണ്. പൗരത്വനിയമം സ്റ്റേറ്റ് ലിസ്റ്റിലോ കേന്ദ്രത്തിനും സംസ്ഥാനത്തിനും തുല്യാവകാശമുള്ള കണ്‍കറന്‍റ് ലിസ്റ്റിലോ ഉള്‍പ്പെടുന്നതല്ല.കേന്ദ്രസര്‍ക്കാര്‍ തന്നെയാണ് ഇത് നടപ്പാക്കേണ്ടതെന്നും സംസ്ഥാനസര്‍ക്കാരിന് ഇതില്‍ യാതൊരു ഉത്തരവാദിത്വവുമില്ലെന്നും അഡ്വ. ജയശങ്കര്‍.

കാരണം പൗരത്വനിയമം യൂണിയന്‍ ലിസ്റ്റില്‍ പെട്ട ഒന്നാണ്. കേന്ദ്രസര്‍ക്കാരിനാണ് പൗരത്വം സംബന്ധിച്ച നിയമനിര്‍മ്മാണം നടത്താനുള്ള അധികാരം ഉള്ളത്. അതില്‍ ഭേദഗതി നിര്‍ദേശിക്കാനുള്ള അധികാരവും കേന്ദ്രസര്‍ക്കാരിനോ അല്ല. സംസ്ഥാനസര്‍ക്കാരുകള്‍ക്ക് ഇതില്‍ യാതൊരു റോളുമില്ല. – ജയശങ്കര്‍ പറഞ്ഞു.


നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube

നമുക്ക് പാസ്പോര്‍ട്ട് നല്‍കുന്നത് കേന്ദ്രസര്‍ക്കാരാണ്. അല്ലാതെ കേരള പാസ്പോര്‍ട്ടല്ല അത്. അതുകൊണ്ട് പൗരത്വം നല്‍കുന്നതിനുള്ള അവകാശം പൂര്‍ണ്ണമായും കേന്ദ്രസര്‍ക്കാരില്‍ നിക്ഷിപ്തമാണ്. ഒരു സംസ്ഥാനസര്‍ക്കാരുകള്‍ക്കും ഇതില്‍ അധികാരമില്ല. പാര്‍ട്ടി അണികളെ സന്തോഷിപ്പിക്കാനാണ് കേരളത്തില്‍ പൗരത്വനിയമം പാസാക്കില്ല എന്ന് പിണറായി വിജയന്‍ പറയുന്നത്. – ജയശങ്കര്‍ പറയുന്നു.

ഇത് തികച്ചും ഭരണഘടനാവിരുദ്ധമാണെന്ന് രാജീവ് പറയുന്നത് കേട്ടു. ഇതില്‍ കേരള സര്‍ക്കാരിന് യാതൊരു ഉത്തരവാദിത്വവുമില്ല. എം.ബി.രാജേഷും പറയുന്നത് കേട്ടു, ഭരണഘടനാവിരുദ്ധമായ പൗരത്വനിയമം നടപ്പാക്കില്ലെന്ന്. വാസ്തവത്തില്‍ പൗരത്വ നിയമം നടപ്പാക്കാന്‍ കേരളത്തിന് യാതൊരു റോളുമില്ല. അത് കേന്ദ്രസര്‍ക്കാര്‍ നടപ്പാക്കിക്കൊള്ളും.- ജയശങ്കര്‍ പറയുന്നു.

Hot Topics

Related Articles