പതങ്കയത്ത് ഒഴുക്കിൽപ്പെട്ട് മരിച്ച യുവാവിൻ്റെ മൃതദേഹം കണ്ടെത്തി

സ്വന്തം ലേഖകൻ

കോഴിക്കോട് : പതങ്കയം അപകടം: ഒഴുക്കിൽ പെട്ട യുവാവിന്റെ മൃതദേഹം കണ്ടെത്തി. കോഴിക്കോട് കോടഞ്ചേരി പതങ്കയത്ത് പുഴയിൽ ഒഴുക്കിൽപ്പെട്ട് കാണാതായ തലശ്ശേരി സ്വദേശി നയിം (24) എന്ന യുവാവിന്റെ മൃതദേഹം കണ്ടെത്തി.

നയിമിന് വേണ്ടിയുള്ള തിരച്ചിൽ കഴിഞ്ഞ ദിവസം പ്രതികൂല സാഹചര്യത്തിൽ നിർത്തി വെച്ചിരുന്നു.
ഒൻപത് പേരടങ്ങിയ സംഘമാണ് പതങ്കയത്തു എത്തിയിരുന്നത്. പുഴയിൽ കുളിക്കുന്നതിനിടെ നയിം ഒഴുക്കിൽ പെടുകയായിരുന്നു.