പുതുപ്പള്ളി : പുതുപ്പള്ളി കൈതേപ്പാലത്ത് നിയന്ത്രണം നഷ്ടമായ ഇന്നോവ സ്വകാര്യ ബസിലിടിച്ച് അപകടം. പുതുപ്പള്ളി കൈതേപാലം സ്വദേശി പാലാപ്പറമ്പിൽ പോത്തൻ വർഗ്ഗീസിന്റെ ഇന്നോവയാണ് അപകടത്തിൽ പെട്ടത്. കോട്ടയം ചെങ്ങന്നൂർ റൂട്ടിൽ ഓടുന്ന ദേവി ബസിൽ കോട്ടയത്ത് നിന്ന് കൈതേപാലം റൂട്ടിൽ സഞ്ചരിക്കുകയായിരുന്ന ഇന്നോവ ഇടിച്ചു കയറുകയായിരുന്നു.
വെള്ളി വൈകിട്ട് ആറ് മണിയോടെയായിരുന്നു നാടിനെ നടുക്കിയ സംഭവം. എറികാട് എസ്എൻഡിപിയ്ക്ക് മുൻ വശം യാത്രക്കാരെ കയറ്റുവാൻ നിർത്തിയിട്ടിരുന്ന ബസിൽ ദിശ മാറി അമിത വേഗത്തിലെത്തിയ ഇന്നോവയിടിച്ചു കയറി. ഇന്നോവയുടെ മുൻ വശം പൂർണമായും തകർന്നു. ഡ്രൈവർ ഉറങ്ങി പോയതാകാം അപകടകാരണമെന്ന് ദൃക്സാക്ഷികൾ പറഞ്ഞു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
അപകടം നടക്കുമ്പോൾ ഡ്രൈവർ മാത്രമായിരുന്നു ഇന്നോവയിലുണ്ടായിരുന്നത് മുഖത്തിന് നിസാര പരിക്കേറ്റ ഇയാളെ കോട്ടയം കാരിത്താസ് ആശുപത്രിയിൽ പ്രവേശിപ്പിച്ചു. പുതുപ്പള്ളി കേശവൻ ആനയുടെ ഉടമയാണ് അപകടത്തിൽ പെട്ട പോത്തൻ വർഗ്ഗീസ് . ഇതേ റൂട്ടിൽ അടുത്തിടെയായി നാല് അപകട മരണങ്ങൾ നടന്നതായി നാട്ടുകാർ പറഞ്ഞു.
