മണർകാട് : ആഗോള മരിയൻ തീർത്ഥാടന കേന്ദ്രമായ മണർകാട് വിശുദ്ധ മർത്തമറിയം യാക്കോബായ സുറിയാനി കത്തീഡ്രലിൽ പരിശുദ്ധ ദൈവമാതാവിന്റെ ജനനപ്പെരുന്നാളിനോടനുബന്ധിച്ച് പള്ളിയുടെ സ്ഥാപക ചരിത്രത്തിന്റെ ഓർമ്മയെ സ്മരിച്ച് കൊണ്ട് സെപ്തംബർ 1 മുതൽ 8 വരെ തിയതികളിൽ നടത്തപ്പെടുന്ന ചരിത്ര പ്രസിദ്ധമായ എട്ടുനോമ്പ് പെരുന്നാൾ ഒരുക്കങ്ങളുടെ ഭാഗമായി പെരുന്നാൾ സ്റ്റിക്കറിന്റെ പ്രകാശനം നടത്തിയത്. പ്രോഗ്രാം കോർഡിനേറ്റർ വെരി.റവ.കെ. കുറിയാക്കോസ് കോർ എപ്പിസ്കോപ്പാ കിഴക്കേടത്ത് അവർകൾ, കത്തീഡ്രൽ ട്രസ്റ്റി ശ്രീ പി എ. ഏബ്രഹാം പഴയിടത്ത് വയലിന് നൽകിയാണ് പ്രകാശന കർമ്മം നിർവ്വഹിച്ചത്. ട്രസ്റ്റിമാർ , സെക്രട്ടറി, മാനേജിംഗ് കമ്മറ്റി അംഗങ്ങൾ, പെരുന്നാൾ കമ്മറ്റി അംഗങ്ങൾ എന്നിവർ ചടങ്ങിൽ സന്നിഹിതരായിരുന്നു.
Advertisements
