സി ബി എസ് ഇ പരീക്ഷയിൽ ദേശീയതലത്തിൽ തിളക്കമാർന്ന വിജയവുമായി ചോയ്സ് സ്കൂൾ

കൊച്ചി: സിബിഎസ്ഇ പത്ത്, പ്ലസ്ടു പരീക്ഷയില്‍ മികച്ച വിജയം നേടി കൊച്ചി ചോയിസ് സ്‌കൂള്‍. സിബിഎസ്ഇ പത്താം ക്ലാസ് പരീക്ഷയിൽ സ്കൂളിലെ ജൊവാന സൂസൻ ഷിബി ദേശിയ തലത്തിൽ ഉന്നത വിജയം കരസ്ഥമാക്കി(99.6%).
പരീക്ഷ എഴുതിയ 195 വിദ്യാര്‍ത്ഥികളില്‍ 172 വിദ്യാര്‍ത്ഥികള്‍ക്ക് ഡിസ്റ്റിംഗ്ഷനും 23 വിദ്യാര്‍ത്ഥികള്‍ക്ക് ഫസ്റ്റ് ക്ലാസും ലഭിച്ചു. പരീക്ഷ എഴുതിയ 26 വിദ്യാര്‍ത്ഥികള്‍ എല്ലാ വിഷയത്തിനും എ വണ്‍ ഗ്രേഡ് കരസ്ഥമാക്കി. ജൊവാനാ സൂസണ്‍ ഷിബി (99.6%),ഐലിന്‍ സൂസന്‍ ജോണ്‍ (99.4%), അനന്യ പ്രശാന്ത് (99.4%) എന്നിവരാണ് സ്‌കൂള്‍ തലത്തില്‍ കൂടുതല്‍ മാര്‍ക്ക് നേടിയ വിദ്യാര്‍ത്ഥികള്‍.
പ്ലസ്ടു പരീക്ഷ എഴുതിയ 180 പേരില്‍ 177 പേര്‍ക്ക് ഡിസ്റ്റിംഗ്ഷനും മൂന്ന് പേര്‍ക്ക് ഫസ്റ്റ് ക്ലാസും ലഭിച്ചു. സ്‌കൂളിലെ 35 വിദ്യാര്‍ത്ഥികള്‍ക്ക് എല്ലാ വിഷയത്തിനും എ വണ്‍ ലഭിച്ചു. അതുല്യ രാജേഷ്( സയന്‍സ്-98.8%),സൈനബ് അലി( കൊമേഴ്‌സ്-98%), ആഫ്രീന്‍ അബ്ദുള്‍ സത്താര്‍( ഹ്യൂമാനിറ്റീസ്-97.8%) എന്നിവരാണ് പ്ലസ്ടു പരീക്ഷയില്‍ ഏറ്റവും കൂടുതല്‍ മാര്‍ക്ക് നേടിയവര്‍.