കോട്ടയം : ചുങ്കം മെഡിക്കൽ കോളജ് റോഡിൽ വാരിശേരിയിൽ കാറും ബൈക്കും കുട്ടിയിടിച്ച് യുവാവിന് പരിക്ക്. ബൈക്ക് യാത്രക്കാരനായ യുവാവിനാണ് പരിക്കേറ്റത്. ഇയാളെ കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. തിങ്കളാഴ്ച രാത്രി പത്തരയോടെ കോട്ടയം മെഡിക്കൽ കോളജ് റോഡിൽ വാരിശേരി ഭാഗത്തായിരുന്നു സംഭവം. ചുങ്കത്ത് നിന്ന് മെഡിക്കൽ കോളജ് ഭാഗത്തേയ്ക്ക് പോകുകയായിരുന്നു ബൈക്ക്. എതിർ ദിശയിലേയ്ക്ക് വന്ന കാറാണ് ബൈക്കിൽ ഇടിച്ചത്. ഇടിയുടെ ആഘാതത്തിൽ റോഡിൽ വീണ ബൈക്ക് യാത്രക്കാരനെ നാട്ടുകാർ ചേർന്ന് കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. കാർ ഡ്രൈവർ മദ്യപിച്ചതായി ആരോപിച്ച് നാട്ടുകാർ ഡ്രൈവറെ തടഞ്ഞ് വച്ചു.
Advertisements
