കോട്ടയം : ബൈക്ക് യാത്രക്കാരെ ഇടിക്കാതിരിക്കാൻ വെട്ടിച്ച കാർ മതിലിൽ ഇടിച്ച് മതിൽ തകർന്നു. അപകടത്തിൽ പൊൻ പള്ളി പുത്തൻ പറമ്പിൽ ഏലിയാമ്മ കോരയുടെ മതിൽ തകർന്നു. 20,000 രൂപയുടെ നഷ്ടം മതിലിന് കണക്കാക്കുന്നു. ഇത് കൂടാതെ വാഹനത്തിനും അരലക്ഷം രൂപയുടെ കേടുപാടുകൾ സംഭവിച്ചു. ഞായറാഴ്ച വൈകിട്ട് ആറുമണിയോടെ കളത്തിപ്പടി പൊൻപള്ളി റോഡിൽ ആയിരുന്നു അപകടം. പുതുപ്പള്ളി സ്വദേശികളായ യുവാക്കൾ ആണ് വാഹനത്തിൽ ഉണ്ടായിരുന്നത്. ഇവർ സഞ്ചരിച്ചിരുന്ന ജീപ്പ് എതിർ ദിശയിൽ നിന്നും എത്തിയ ബൈക്കിന് സൈഡ് കൊടുക്കുന്നതിനിടെ അപകടത്തിൽ പെടുകയായിരുന്നു. അപകടത്തെ തുടർന്ന് സമീപത്തെ വീടിൻറെ മതിൽ തകർന്നു. അപകടത്തിൽ ആർക്കും പരിക്കില്ല.
Advertisements
