കോട്ടയം : കോട്ടയം കുമരകത്ത് മദ്യലഹരിയിൽ യുവാവ് ഓടിച്ചക്കാർ സ്കൂൾ വിദ്യാർഥിനിയെയും വയോധികയെയും ഇടിച്ചുവീഴ്ത്തി. ചേർത്തല ഭാഗത്തുനിന്നും അമിതവേഗത്തിൽ എത്തിയ കാർ പാലത്തിൽ മറ്റൊരു വാഹനത്തെ മറികടക്കുന്നതിനിടയാണ് സ്കൂൾ വിദ്യാർത്ഥിനിയെ ഇടിച്ചത്. ഇവിടെ നിന്നും രക്ഷപ്പെട്ടു പോകുന്നതിനിടെ നിർമ്മാണം പുരോഗമിക്കുന്ന കോണത്താറ്റ് പാലത്തിൽ വച്ചാണ് വാഹനം വയോധികയെ ഇടിച്ചത്. ശനിയാഴ്ച വൈകിട്ട് അഞ്ചരയോട് കൂടിയായിരുന്നു അപകടം. ചേർത്തല ഭാഗത്ത് നിന്നും എത്തിയ കാർ ആദ്യം പുത്തൻ തോട് ഷാപ്പും പടി പാലത്തിൽ വച്ച് സ്കൂൾ വിദ്യാർഥിനിയെ ഇടിക്കുകയായിരുന്നു. ഇവിടെ നിന്നും അമിതവേഗത്തിൽ പാഞ്ഞ കാർ, നിർമ്മാണം പുരോഗമിക്കുന്ന കോണത്താറ്റ് പാലത്തിന് സമീപത്ത് വെച്ച് വഴിതെറ്റി മുന്നിലേക്ക് പോയി. ഈ സമയം എതിർ ദിശയിൽ നിന്നും നടന്നു വന്ന വയോധികയെ കാറിടിക്കുകയായിരുന്നു. അപകടത്തിനുശേഷം മുന്നോട്ടുപോയ കാർ നിർമ്മാണത്തിൽ ഇരുന്ന പാലത്തിൽ കുടുങ്ങി . ഈ സമയം ഓടിയെത്തിയ നാട്ടുകാർ ചേർന്ന് കാർ ഡ്രൈവറെ പിടികൂടി പോലീസിന് കൈമാറി. പാലാ സ്വദേശിയായ കാർ ഡ്രൈവർ മദ്യലഹരിയിൽ ആയിരുന്നതായി നാട്ടുകാർ ആരോപിച്ചു. അപകടത്തിൽ പരിക്കേറ്റ വിദ്യാർത്ഥിനിയെയും വയോധികയെയും ആശുപത്രിയിൽ പ്രവേശിപ്പിച്ചു.
കോട്ടയം കുമരകത്ത് മദ്യ ലഹരിയിൽ യുവാവ് ഓടിച്ച കാർ സ്കൂൾ വിദ്യാർത്ഥിനിയെയും വയോധികയെയും ഇടിച്ചുവീഴ്ത്തി : അപകടം പാലത്തിൽ മറ്റൊരു വാഹനത്തെ മറികടക്കുന്നതിനിടെ ; പാലാ സ്വദേശിയായ കാർ ഡ്രൈവർ പിടിയിൽ
