തിരുവനന്തപുരത്ത് സർക്കാർ ഹൈസ്കൂൾ കെട്ടിടത്തിന്റെ ചുമരിടിഞ്ഞ് വീണു; അപകടം ഉണ്ടായത് കുട്ടികൾ എത്തുന്നതിന് തൊട്ടുമുൻപ് ; ഒഴിവായത് വൻ ദുരന്തം

തിരുവനന്തപുരം: മാറനല്ലൂരിൽ കണ്ടല സർക്കാർ ഹൈസ്കൂൾ കെട്ടിടത്തിന്റെ ചുമരിടിഞ്ഞ് വീണു. സ്കൂളിൽ കുട്ടികളെത്തുന്നതിന് തൊട്ടുമുൻപാണ് ചുമരിടിഞ്ഞ് വീണത്.

മൂന്ന് കോടി ചിലവഴിച്ചു പണിത പുതിയ കെട്ടിടത്തിന്റെ പുറം ഭാഗത്തുള്ള ചുമരാണ് ഇടിഞ്ഞ് വീണത്. അപകടത്തിന് പിന്നാലെ നിർമ്മാണത്തിലെ അപാകതയാണെന്ന് ആരോപിച്ച് നാട്ടുകാർ രംഗത്തെത്തി.

പ്രവേശനോൽസവമായ ഇന്ന് രാവിലെ സ്കൂൾ തുറക്കുന്നതിന് മുൻപായിരുന്നു ചുമർ ഇടിഞ്ഞു വീണതിനാൽ വലിയ ഒരു അപകടമാണ് ഒഴിവായത്.