തിരുവല്ല :
ലോക മുലയൂട്ടല്‍ വാരാചരണത്തിന്റെ ഭാഗമായി ജില്ലാതല ഐസിഡിഎസ് സെല്ലിന്റെ നേതൃത്വത്തില്‍ പുളിക്കീഴ് ഐസിഡിഎസിന്റെ മുലയൂട്ടല്‍ വാരാചരണ ബോധവല്‍ക്കരണവും പോഷകാഹാര പ്രദര്‍ശനവും തിരുവല്ല മെഡിക്കല്‍ മിഷന്‍ ആശുപത്രിയില്‍ നടന്നു. തിരുവല്ല മെഡിക്കല്‍ മിഷന്‍ ആശുപത്രിയിലെ ഡയറ്റീഷ്യന്‍ സിജു സിനു മുലയൂട്ടലിന്റെ പ്രാധാന്യം, പോഷകാഹാരം എന്നിവയെ കുറിച്ച് വിശദീകരിച്ചു. അങ്കണവാടികളിലൂടെ വിതരണം ചെയ്യുന്ന അമൃതം അംഗന പൊടി ഉപയോഗിച്ച് തയ്യാറാക്കുന്ന പോഷക സമൃദ്ധമായ ഭക്ഷണ പ്രദര്‍ശനവും നടത്തി. ഐസിഡിഎസ് സൂപ്പര്‍വൈസര്‍മാരായ സന്ധ്യ, ഡോ. എം.യു രഞ്ജിനി, സ്വപ്ന ചന്ദ്രന്‍, സ്‌കൂള്‍ കൗണ്‍സിലര്‍മാരായ രമ്യ കെ പിള്ള, അഡ്വ. തെരേസ തോമസ്, ഡാലിയ റോബിന്‍, വീണ വിജയന്‍, റോണി രാജു തുടങ്ങിയവര്‍ പങ്കെടുത്തു.
Advertisements
