മുഖത്തെ കരുവാളിപ്പ് മാറ്റണോ ? എന്നാൽ പരീക്ഷിക്കാം ഓട്സ് കൊണ്ടുള്ള ഫേസ് പാക്കുകൾ…

ഓട്‌സിൽ വിറ്റാമിനുകൾ, ആന്റിഓക്‌സിഡന്റുകൾ, അവശ്യ ഫാറ്റി ആസിഡുകൾ എന്നിവ ധാരാളമായി അടങ്ങിയിട്ടുണ്ട്. ഇതിലെ ആന്റി-ഇൻഫ്ലമേറ്ററി, ആശ്വാസം ഗുണങ്ങൾ ചർമ്മ സംരക്ഷണത്തിന് സഹായിക്കുന്നു. മുഖത്തെ കരുവാളിപ്പ്, വരണ്ട ചർമ്മം എന്നിവയെല്ലാം ഓട്സ് കൊണ്ട് തന്നെ ഇനി എളുപ്പം അകറ്റാം. വീട്ടിൽ തന്നെ പരീക്ഷിക്കാം ഓട്സ് കൊണ്ടുള്ള ഫേസ് പാക്കുകൾ…

ഒന്ന്

2 ടേബിൾ സ്പൂൺ ഓട്സ് പൊടിച്ചത്, 1 ടേബിൾ സ്പൂൺ തേൻ, 2 ടേബിൾ സ്പൂൺ പാൽ എന്നിവ യോജിപ്പിച്ച് പാക്ക് ഉണ്ടാക്കുക. ശേഷം ഈ പാക്ക് മുഖത്തും കഴുത്തിലുമായി പുരട്ടുക. ആഴ്ചയിൽ രണ്ടോ മൂന്നോ തവണ ഈ പാക്ക് ഇടാവുന്നതാണ്.

രണ്ട്

1 ടേബിൾ സ്പൂൺ കടല പൊടി, 1 ടേബിൾ സ്പൂൺ ഓട്സ്, 1 ടേബിൾ സ്പൂൺ തേൻ, എന്നീ ചേരുവകളെല്ലാം റോസ് വാട്ടറുമായി കൂടിചേർത്ത് മിനുസമാർന്ന പേസ്റ്റ് ഉണ്ടാക്കുക. ഇത് മുഖത്ത് 15 മിനുട്ട് നേരം തേച്ച് പിടിപ്പിക്കുക. ശേഷ വെള്ളം ഉപയോഗിച്ച് മുഖം കഴുകുക.

മൂന്ന്

ഒരു പാത്രത്തിൽ 2 ടേബിൾ സ്പൂൺ ഓട്സ്, ഒന്നര ടേബിൾ സ്പൂൺ കട്ടി തൈര് എന്നിവ ചേർത്ത് പാക്ക് ഉണ്ടാക്കുക. ശേഷം ഈ പാക്ക് മുഖത്തും കഴുത്തിലുമായി പുരട്ടുക.

നാല്

2 ടേബിൾസ്പൂൺ ഓട്സിലേക്ക് ഒരു പകുതി നാരങ്ങയുടെ നീര് ചേർക്കുക. ആവശ്യത്തിന് ഒലിവ് ഓയിൽ കൂടി ചേർത്ത ശേഷം നന്നായി മിക്സ് ചെയ്യുക. ശേഷം ഈ പാക്ക് മുഖത്തും കഴുത്തിലുമായി പുരട്ടുക. 20 മിനുട്ടിന് ശേഷം കഴുകി കളയുക.