തിരുവല്ല : പമ്പിൽ ഇന്ധനം നിറച്ചശേഷം ബൈക്ക് മാറ്റുന്നതുമായി ബന്ധപെട്ടുണ്ടായ തർക്കത്തിൽ ബൈക്ക് യാത്രികനായ യുവാവിന് നേരെ ആക്രമണം.ചെങ്ങന്നൂർ റോഡിൽ പ്രാവിന് കൂട് ഇന്ത്യൻ ഓയിൽ പമ്പിലാണ് സംഭവം.തിരുവല്ല കുറ്റൂർ സ്വദേശിയായ വരുൺ ജി പിള്ളക്ക് നേരെ ആണ് ആക്രമണം ഉണ്ടായത്. ബൈക്കിൽ പെട്രോൾ അടിക്കുകയാരിരുന്നു വരുൺ ; ഈ സമയം പുറകിൽ നിന്ന് കാറിൽ എത്തിയവർ ബൈക്ക് മാറ്റാൻ താമസിച്ചതിനു വഴക്കുണ്ടാക്കി. തുടർന്നു കാറിൽ ഉണ്ടായിരുന്ന മൂന്ന് പേർ ചേർന്നു വരുണിന്റെ കണ്ണിൽ കുരുമുളക് സ്പ്രേ അടിച്ച ശേഷം ഹെൽമെറ്റിനും അടിച്ചു വീഴ്ത്തുകയായിരുന്നു.കൂടാതെ കഴുത്തിൽകിടന്ന മാലനഷ്ടപ്പെടുകയും, വിലകൂടിയ ഇയർ ബഡിന് കേടുവരുത്തുകയും ചെയ്‌തു. സംഭവത്തിൽ ചെങ്ങന്നൂർ പോലീസ് കേസ് രജിസ്റ്റർ ചെയ്‌തു ; കൂടാതെ ചെങ്ങന്നൂർ എം എൽ എ ഓഫീസിലും പരാതി നൽകിട്ടുണ്ട്.വരുണിനെ ചെങ്ങന്നൂർ ഗവണ്മെന്റ് ആശുപത്രിയിൽ എത്തിച്ച്, പ്രാഥമിക ശിശ്രൂഷയ്ക്കു ശേഷം വിട്ടയച്ചു.
പെട്രോൾ പമ്പിൽ ഇന്ധനം നിറച്ച ശേഷം ബൈക്ക് മാറ്റാൻ വൈകി ; യുവാവിനെ കുരുമുളക് സ്പ്രേ ഉപയോഗിച്ച് കണ്ണിൽ അടിച്ച ശേഷം ഹെൽമെറ്റിന് അടിച്ചു വീഴ്ത്തി : ആക്രമണത്തിൽ പരിക്കേറ്റ തിരുവല്ല കുറ്റൂർ സ്വദേശിയായ യുവാവ് ആശുപത്രിയിൽ
