തിരുവല്ല : കാൽ നൂറ്റാണ്ടു കാലം എസ് എഫ് ഐ ഏകപക്ഷീയമായി വിജയിച്ചിരുന്ന വെണ്ണിക്കുളം പോളി ടെക്‌നിക് കോളേജിൽ കെ എസ് യു വിന് മുന്നേറ്റം.
കെ എസ് യു ചെയർമാൻ സ്ഥാനാർഥി വൈഷ്ണവ് എതിർ ഇല്ലാതെ തിരഞ്ഞെടുക്കപ്പെട്ടു .
ഇന്ന് നടന്ന ഇലക്ഷനിൽ ആർട്സ് സെക്രട്ടറി സ്ഥാനത്തേക്ക് മത്സരിച്ച സൂരജ് എസ് പി 18 വോട്ടുകൾക്കാണ് പരാജയപ്പെട്ടതെങ്കിലും വലിയ മുന്നേറ്റം കാഴ്ചവെച്ചു. എസ് എഫ് ഐ ക്ക് 210, കെ എസ് യു 192, അസാധു വോട്ട് 6 എന്നിങ്ങനെയാണ് വോട്ടിംഗ് നില.
ചെയർമാനായി വിജയിച്ച വൈഷ്ണവിന് അനുമോദന യോഗം പുറമറ്റം ഗ്രാമപഞ്ചായത്ത്‌ അംഗം രശ്മിമോൾ ഉദ്ഘാടനം ചെയ്തു . യൂത്ത് കോൺഗ്രസ്‌ നിയോജകമണ്ഡലം പ്രസിഡന്റ്‌ അഭിലാഷ് വെട്ടിക്കാടൻ, കെ എസ് യു ജില്ല ഭാരവാഹികൾ ടോണി ഇട്ടി, ജോയൽ തേരകത്തിനാൽ, ജോഷ്വാ തേരകത്തിനാൽ, സനോജ് സണ്ണി, ആകാശ് വി ആർ, യൂണിറ്റ് പ്രസിഡന്റ്‌ സൂരജ് എസ് പി, സിദ്ധാർഥ് എന്നിവർ പ്രസംഗിച്ചു.
