ന്യൂസ് ഡെസ്ക് : ഇന്ത്യൻ പ്രീമിയർ ലീഗില്‍ അത്ഭുതങ്ങള്‍ കാണിക്കുന്ന സഞ്ജു സാംസണെയും രാജസ്ഥാൻ റോയല്‍സിനെയും പ്രശംസിച്ച്‌ മുൻ ഓസ്ട്രേലിയൻ ക്യാപ്റ്റൻ ആരോണ്‍ ഫിഞ്ച്.സഞ്ചു ഒരു ഈഗോയും ഇല്ലാതെ ആണ് കളിക്കുന്നത് എന്നും ഇത് ടൂർണമെൻ്റില്‍ രാജസ്ഥാനെ മികച്ച പ്രകടനം നടത്താൻ സഹായിക്കുന്നു എന്നും ഫിഞ്ച് പറഞ്ഞു. സമ്മർദത്തിനു കീഴില്‍ രാജസ്ഥാൻ ക്ലിനിക്കല്‍ ആയി വിജയിക്കുന്നതിന് സാംസണ് ക്രെഡിറ്റ് നല്‍കണം എന്നും ഫിഞ്ച് പറഞ്ഞു.
“സഞ്ജു ശരിക്കും പക്വതയുള്ള ഇന്നിംഗ്സുകളാണ് കളിക്കുന്നത്, അതാണ് ടീമിന് വേണ്ടത്. ടി20 ക്രിക്കറ്റിൻ്റെ കാലത്ത്, ബാറ്റ്‌സ്മാൻ്റെ ഈഗോ ചിലപ്പോള്‍ ടീമിന് തടസ്സമാകുമെന്ന് ഞാൻ കരുതുന്നു, പക്ഷേ ഓരോ സാഹചര്യത്തിലും അത് എങ്ങനെ ചെയ്യണം എന്ന് അറിഞ്ഞ് സഞ്ജു കൃത്യമായി കളിക്കുന്നു.” ഫിഞ്ച് പറഞ്ഞു. “അദ്ദേഹം അവിശ്വസനീയമാംവിധം മികച്ച രീതിയില്‍ ടീമിനെ നയിക്കുന്നുണ്ടെന്ന് ഞാൻ കരുതുന്നു, രാജസ്ഥാൻ റോയല്‍സ് സമ്മർദ്ദത്തിലായിരിക്കുമ്ബോള്‍ അദ്ദേഹം എത്ര ശാന്തനാണെന്ന് നിങ്ങള്‍ക്ക് കാണാൻ കഴിയും. ഈ ഐപിഎല്ലില്‍ ഉടനീളം അവർ വളരെ ക്ലിനിക്കല്‍ ആയിരുന്നു, അതിന് ഒരുപാട് ക്രെഡിറ്റ് സഞ്ജുവിന് നല്‍കേണ്ടതുണ്ട്. ” ഫിഞ്ച് പറഞ്ഞു.