എറണാകുളം : കോണ്‍ഗ്രസിന്‍റെ യുവരാജാവ് വടക്കേ ഇന്ത്യയില്‍ നിന്നും ഓടി തെക്കേ ഇന്ത്യയിലെ വയനാട്ടില്‍ അഭയം പ്രാപിച്ചിരിക്കുകയാണെന്ന പ്രധാനമന്ത്രി നരേന്ദ്രമോദിയുടെ പ്രസ്താവനക്കെതിരെ പ്രതിപക്ഷ നേതാവ് വിഡി സതീശന്‍ രംഗത്ത്.സമുന്നതനായ കോണ്‍ഗ്രസ്‌ നേതാവാണ് രാഹുല്‍.അദ്ദേഹത്തിന് ഇന്ത്യയില്‍ എവിടേ വേണമെങ്കിലും മത്സരിക്കാം.ഗുജറാത്തില്‍ ഉള്ള നരേന്ദ്ര മോദി എന്തിനാണ് വാരണാസിയില്‍ പോയി മത്സരിച്ചത്.എന്ത് അവകാശമാണ് മോദിക്ക് അത് പറയാനുള്ളതെന്നും അദ്ദേഹം ചോദിച്ചു.400 സീറ്റ് കിട്ടും എന്ന് മോദി പറയുന്നു.
എന്നിട്ട് മുഖ്യമന്ത്രിമാരെ അറസ്റ്റ് ചെയ്യുന്നു, ഭീതി പരത്തുന്നു. ശെരിക്കും വെപ്രാളം മോദിക്കാണെന്നും സതീശന്‍ പറഞ്ഞു. തെരഞ്ഞെടുപ്പിന് 5 ദിവസം മാത്രം ബാക്കി ഉള്ളപ്പോഴാണ് പ്രധാനമന്ത്രി കരുവന്നൂരിലെ പണം തിരിച്ചു നല്‍കും എന്ന് പറയുന്നത്. ഇതുവരെ എവിടെ ആയിരുന്നു മോദി. 300 കോടി രൂപയാണ് അവിടെ സിപിഎം തട്ടിയെടുത്തത്. എത്രകാലമായി അന്വേഷണം തുടങ്ങിയിട്ട്. തെരഞ്ഞെടുപ്പ് സമയത്ത് നമ്ബര് കാണിക്കാൻ ഇറങ്ങിയിരിക്കുകയാണ് ബിജെപി. ഇപ്പൊ നടക്കുന്ന ഇഡി അന്വേഷണം രാഷ്ട്രീയം ലക്ഷ്യം വച്ചാണ്. പാവപ്പെട്ടവന്‍റെ പണം തട്ടിയെടുത്തിട്ട് രാഷ്ട്രീയം ലക്ഷ്യത്തിനു രണ്ടു കൂട്ടരും ഉപയോഗിക്കുകയാണെന്നും അദ്ദേഹം പറഞ്ഞു.