കേരളത്തിലെ ആദ്യ പൊലീസ് സ്റ്റേഷൻ നവീകരിക്കുന്നു ; നവീകരിച്ച പൊലീസ് സ്റ്റേഷൻ ഏപ്രിൽ മൂന്ന് തിങ്കളാഴ്ച തുറന്ന് നൽകും 

വൈക്കം : കേരളത്തിലെ ആദ്യത്തെ പോലീസ് സ്റ്റേഷനിൽ ഒന്നായ വൈക്കം പോലീസ് സ്റ്റേഷന്റെ അത്യാധുനിക രീതിയിൽ പണി പൂർത്തിയാക്കിയ മുകളിലത്തെ നിലയുടെ ഉദ്ഘാടനം തിങ്കളാഴ്ച വൈകിട്ട് 4 ന് മുഖ്യമന്ത്രി പിണറായി വിജയൻ ഓൺലൈനിലൂടെ ഉദ്ഘാടനം ചെയ്യും. സി കെ ആശ എം എൽ എ അദ്ധ്യക്ഷത വഹിക്കും. തോമസ് ചാഴികാടൻ എം പി മുഖ്യ പ്രഭാഷണം നടത്തും. എ ശ്രീനിവാസൻ ഐ പി എസ് (ഡി ഐ ജി എറണാകുളം) മുൻസിപ്പൽ ചെയർ പേഴ്സൺ രാധികാ ശ്യാം, നകുൽരാജേന്ദ്ര ദേശ്മുഖ്(എഎസ് പി വൈക്കം) കെ. കാർത്തിക്(ജില്ലാ പോലീസ് മേധാവി കോട്ടയം) തുടങ്ങിയവർ സംസാരിക്കും.