വാഷിംങ്ടണിൽ”ആകാശത്ത് നിന്ന് പെയ്തത് വെള്ളമല്ല, ജെല്ലി! മനുഷ്യർക്കും മൃഗങ്ങൾക്കും ഒരുപോലെ രോഗവും, മരണവും ‘ ജൈവ പരീക്ഷണമോ? അതോ അന്യഗ്രഹ ജീവിയോ?

വാഷിംങ്ടൺ:1994 ഓഗസ്റ്റ് 7-ന്, വാഷിംങ്ടണിലെ ചെറിയ പട്ടണമായ ഓക്‌വില്ലെ ഒരു വിചിത്ര അനുഭവത്തിന്റെ സാക്ഷിയായി. ആ ദിവസം പെയ്തത് മഴയല്ല, പകരം അർദ്ധസുതാര്യമായ ജെല്ലിപോലുള്ള ചെറിയ ബ്ലോബുകളാണ്. നെൽമണിയുടെ പകുതി വലിപ്പത്തിലുള്ള ഈ ജെലാറ്റിനസ് കണികകൾ 20 ചതുരശ്ര മൈൽ വിസ്തൃതിയിൽ വീണു. വീടുകൾ, കാറുകൾ, പൂന്തോട്ടങ്ങൾ, മനുഷ്യർ—എല്ലാം ഇതിൽ മൂടപ്പെട്ടു.

ആദ്യമായി ഇത് നേരിടേണ്ടി വന്നവരിൽ ഒരാൾ ആയിരുന്നു പോലീസ് ഓഫീസർ ഡേവിഡ് ലേസി. പട്രോളിങ്ങിനിടെ ബ്ലോബുകൾ അദ്ദേഹത്തിന്റെ വാഹനത്തിൽ പതിച്ചു. വൈപ്പർ ഉപയോഗിച്ച് വൃത്തിയാക്കാൻ ശ്രമിച്ചെങ്കിലും കുപ്പിയിൽ കൂടുതൽ പുരണ്ടു നിന്നു.എന്നാൽ, സംഭവം കൗതുകത്തിൽ ഒതുങ്ങിയില്ല. ബ്ലോബുകളുമായി സമ്പർക്കം പുലർത്തിയ താമസക്കാർക്ക് തലകറക്കം, പനി, ഓക്കാനം പോലുള്ള ലക്ഷണങ്ങൾ പ്രകടമായി. ചില മൃഗങ്ങൾ—തവളകൾ, കാക്കകൾ, പൂച്ചക്കുട്ടികൾ—മരിച്ചു പോയതായും റിപ്പോർട്ടുകൾ.

ശാസ്ത്രജ്ഞർ ബ്ലോബുകളുടെ സാമ്പിളുകൾ ശേഖരിച്ച് പരിശോധിച്ചെങ്കിലും വ്യക്തമായ ഉത്തരത്തിലേക്ക് എത്താനായില്ല. ചില പരിശോധനകളിൽ മനുഷ്യന്റെ വെളുത്ത രക്താണുക്കൾ കണ്ടെത്തിയെന്ന റിപ്പോർട്ടുകൾ കൂടി പുറത്ത് വന്നു. പക്ഷേ അന്തിമ ഫലം അനിശ്ചിതമായി.

സംഭവത്തിന് പിന്നിലെ കാരണത്തെ കുറിച്ച്‌ നിരവധി സിദ്ധാന്തങ്ങൾ ഉയർന്നു:

ജെല്ലിഫിഷ് സിദ്ധാന്തം – തീരത്ത് ഉണ്ടായ അസാധാരണ കാലാവസ്ഥയും സൈനിക പരിശീലനവും കാരണം ജെല്ലിഫിഷ് അവശിഷ്ടങ്ങൾ ഉയർന്ന് പതിച്ചതാകാമെന്ന് ചിലർ കരുതി.

സൈനിക പരീക്ഷണങ്ങൾ – ജൈവായുധ പരീക്ഷണമോ, സർക്കാർ രഹസ്യ പദ്ധതിയോ ആയിരിക്കാമെന്ന് മറ്റൊരുവിഭാഗം സംശയിച്ചു.

വിമാന മാലിന്യം – വിമാനങ്ങളിൽ നിന്ന് തെറ്റായി പുറത്തുവന്ന ടോയ്‌ലറ്റ് മാലിന്യമാണെന്ന അഭിപ്രായവും ഉണ്ടായി. എന്നാൽ സാധാരണയായി അതിന് നീല നിറമുള്ളതിനാൽ ഇത് തള്ളി.

സ്റ്റാർ ജെല്ലി സിദ്ധാന്തം – ലോകമെമ്പാടും ചരിത്രത്തിൽ രേഖപ്പെടുത്തിയിട്ടുള്ള “സ്റ്റാർ ജെല്ലി” പ്രതിഭാസത്തിന്റെ ഭാഗമാകാമെന്ന അഭിപ്രായവും മുന്നോട്ട് വന്നു.

എന്നിരുന്നാലും, സർക്കാരോ ശാസ്ത്രലോകമോ ഇന്നുവരെ യാതൊരു അന്തിമ വിശദീകരണവും നൽകിയിട്ടില്ല.”ഓക്‌വില്ലെ ബ്ലോബ്‌സ്” എന്ന പേരിൽ പ്രസിദ്ധമായ ഈ സംഭവം ഇന്നും ലോകത്തെ ഭീതിജനകമായ, പരിഹരിക്കപ്പെടാത്ത രഹസ്യങ്ങളിൽ ഒന്നായി തുടരുന്നു.