റായ്പൂർ: ഛത്തീസ്ഗഢിലെ വേദാന്ത പവർ പ്ലാന്റില് ബോയിലർ പൊട്ടിത്തെറിച്ചുണ്ടായ അപകടത്തില് 10 മരണം. 40ലധികം പേർക്ക് പരിക്കേറ്റതായാണ് വിവരം.മരണസംഖ്യ ഉയർന്നേക്കാം എന്നാണ് റിപ്പോർട്ടുകള്. ഛത്തീസ്ഗഢിലെ സക്തി ജില്ലയിലെ സിംഗിതാരായ് ഗ്രാമത്തിലെ വേദാന്ത ലിമിറ്റഡിന്റെ പവർ പ്ലാന്റിലാണ് സംഭവം. പ്രാഥമിക വിവരങ്ങള് പ്രകാരം ബോയിലർ ട്യൂബിലുണ്ടായ സ്ഫോടനമാണ് അപകടകാരണം.
Advertisements
സ്ഥലത്തെത്തിയ ലോക്കല് അഡ്മിനിസ്ട്രേഷനും പൊലീസ് സംഘങ്ങളും രക്ഷാപ്രവർത്തനം ആരംഭിച്ചു. പരിക്കേറ്റവരെ സമീപത്തെ ആശുപത്രികളിലേക്ക് മാറ്റി ചികിത്സ നല്കുന്നുണ്ട്. രക്ഷാപ്രവർത്തനം തുടരുകയാണ്. ചില തൊഴിലാളികള് ഇപ്പോഴും അകത്ത് കുടുങ്ങിക്കിടക്കുന്നതായും ആശങ്കയുണ്ട്. അപകടത്തിന്റെ കാരണം വിശദമായി അന്വേഷിച്ചു വരികയാണ്.