കോട്ടയം : ലോക പുകയില വിരുദ്ധ ദിനാചരണത്തിന്റെ ഭാഗമായി ജില്ലാ ജയിൽ അന്തേവാസികൾക്ക് ലഹരി വിരുദ്ധ ക്ലാസ് നടത്തി. അഡ്വ. വിവേക് മാത്യു വർക്കി ക്ലാസ് എടുത്തു. ജില്ലാ ലീഗൽ സർവീസ് കമ്മിറ്റിയും , ജില്ലാ ബാർ അസോസിയേഷനും ചേർന്നാണ് ക്ലാസ് നടത്തിയത്. ലഹരി വിരുദ്ധതയുടെ പ്രസക്തിയും നിയമ വശങ്ങളും എന്ന വിഷയത്തിൽ ക്ലാസ് എടുത്തു. ജയിൽ വെൽഫെയർ ഓഫിസർ ജോർജ് ചാക്കോ സ്വാഗതം പറഞ്ഞു. ജില്ലാ കോടതിയുടെ പാരാ ലീഗൽ വോളണ്ടിയർ ഫൈസർ പ്രസംഗിച്ചു.
