കൊച്ചി: കേരള ഹൈക്കോടതിയില്‍ അസിസ്റ്റന്റ് തസ്തികയിലേക്ക് (4/2024, 5/2024) വിജ്ഞാപനം പ്രസിദ്ധീകരിച്ചു. ആകെ 45 ഒഴിവുണ്ട്.ഇതില്‍ നാല് ഒഴിവിലേക്ക് ഭിന്നശേഷി വിഭാഗത്തിനുള്ള സ്പെഷ്യല്‍ റിക്രൂട്ട്മെന്റും മറ്റുള്ളവയിലേക്ക് നേരിട്ടുള്ള നിയമനവുമാണ്.
ശമ്പളം: 39,300-83,000 രൂപ.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
യോഗ്യത: 50 ശതമാനം മാർക്കോടെ ബിരുദം അല്ലെങ്കില്‍ ബിരുദാനന്തരബിരുദം അല്ലെങ്കില്‍ നിയമബിരുദം (കേരളത്തിലെ സർവകലാശാലകള്‍ അംഗീകരിച്ചിട്ടുള്ളത്). കംപ്യൂട്ടർ പരിജ്ഞാനം അഭിലഷണീയമാണ്.
പ്രായം: 02.01.1988-നും 01.01.2006-നും (രണ്ട് തീയതികളുമുള്‍പ്പെടെ) ഇടയില്‍ ജനിച്ചവരാകണം (സംവരണവിഭാഗങ്ങള്‍ക്ക് ഇളവുണ്ട്). തിരഞ്ഞെടുപ്പ്: ഒബ്ജക്ടീവ് പരീക്ഷ, ഡിസ്ക്രിപ്റ്റീവ് പരീക്ഷ, അഭിമുഖം എന്നിവയുടെ അടിസ്ഥാനത്തിലാണ്.
ഒബ്ജക്ടീവ് പരീക്ഷ 100 മാർക്കിന് ഒ.എം.ആർ. രീതിയിലാകും. ജനറല്‍ ഇംഗ്ലീഷ്-50 മാർക്ക്, ജനറല്‍ നോളജ്-40 മാർക്ക്, അടിസ്ഥാനഗണിതവും മാനസികശേഷി പരിശോധനയും-10 മാർക്ക് എന്നിങ്ങനെയാണ് മാർക്ക് വിഭജനം. 75 മിനിറ്റാണ് സമയം. 60 മാർക്കിന്റെതാണ് ഡിസ്ക്രിപ്റ്റീവ് പരീക്ഷ. 60 മിനിറ്റാണ് സമയം. സംഗ്രഹിച്ചെഴുതല്‍, കോംപ്രിഹെൻഷൻ, ചെറു ഉപന്യാസം തയ്യാറാക്കല്‍ എന്നിവയുണ്ടാകും. അഭിമുഖം 10 മാർക്കിനുള്ളതായിരിക്കും.
അപേക്ഷാഫീസ്: 500 രൂപ (എസ്.സി./എസ്.ടി./തൊഴില്‍രഹിതരായ ഭിന്നശേഷിക്കാർ എന്നിവർക്ക് ഫീസില്ല).
അപേക്ഷ: www.hckrecruitment.keralacourts.in എന്ന വെബ്സൈറ്റ് വഴി വണ്‍-ടൈം രജിസ്ട്രേഷൻ പൂർത്തിയാക്കിയതിനു ശേഷം ഏപ്രില്‍ മൂന്നു മുതല്‍ അപേക്ഷ സമർപ്പിക്കാം. അപേക്ഷ സമർപ്പിക്കേണ്ട അവസാന തീയതി: മേയ് 2. വെബ്സൈറ്റ്: www.hckrecruitment.keralacourts.in.