കാഞ്ഞിരപ്പള്ളിയിൽ ഇടിമിന്നലേറ്റ് വീട് തകർന്നു; വീട്ടുകാർ പരിക്കേൽക്കാതെ രക്ഷപെട്ടു

കാഞ്ഞിരപ്പള്ളി : കാളകെട്ടിയിൽ ഇടിമിന്നലേറ്റ് വീട് തകർന്നു.
മാഞ്ഞുക്കുളം പുത്തൻപുരയ്ക്കൽ
വർക്കി ജോർജിൻ്റെ വീടാണ് തകർന്നത്.

ബുധനാഴ്ച വൈകിട്ട് 6 മണിയോടെയായിരുന്നു സംഭവം. കനത്ത മഴയ്ക്കൊപ്പം ഉണ്ടായ ഇടിമിന്നലിൽ ആണ് വീടിന്റെ ഒരു ഭാഗം തകർന്നത്. വീട്ടുകാർക്ക് അപകടമൊന്നും സംഭവിച്ചിട്ടില്ല.

പഞ്ചായത്തംഗം റാണി ടോമിയുടെ നേതൃത്വത്തിൽ നാട്ടുകാർ ചേർന്ന് കുടുംബത്തെ മാറ്റി താമസിപ്പിക്കാൻ ശ്രമം ആരംഭിച്ചു. റവന്യൂ അധികൃതരും നാശനഷ്ടം വിലയിരുത്തുന്ന നടപടികളും തുടങ്ങി.