കഥാപാത്രങ്ങളിലെ പരീക്ഷണങ്ങൾ ഏറെ ഇഷ്ടപ്പെടുന്ന നടനാണ് ചിയാൽ വിക്രം . വ്യത്യസ്തങ്ങളായ മേക്കോവറുകൾ നടത്തി പ്രേക്ഷകരെ അത്ഭുതപ്പെടുത്തുന്ന അസാമാന്യ പ്രതിഭ. പിതാമഹൻ, സേതു, ഐ, ദൈവതിരുമകൻ തുടങ്ങിയ ചിത്രങ്ങൾ എല്ലാം ഇതിന് ഉദാഹരണങ്ങൾ മാത്രം.
പാ രഞ്‍ജിത്ത് സംവിധാനം ചെയ്യുന്ന ‘തങ്കലാൻ’ എന്ന ചിത്രത്തിൽ പുതിയ മേഘവർ നടത്തി ഏവരെയും ഞെട്ടിച്ചിരിക്കുകയാണ് വിക്രം . 57 വയസ്സ് തികയുന്ന അദ്ദേഹത്തിന്റെ പിറന്നാൾ ദിനമായ ഇന്ന് തങ്കലാനിൽ വിക്രത്തിന്റെ മേക്ക് ഓവർ ഉൾപ്പെടുന്ന മേക്കിങ് വീഡിയോ അണിയറ പ്രവർത്തകർ പുറത്ത് വിട്ടിരിക്കുന്നത്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
കഥാപാത്രമായി വിക്രം മാറുന്നതിന്റെ ചില ഭാഗങ്ങളും വീഡിയോയിൽ ഉൾപ്പെടുത്തിയിരിക്കുന്നു. ജി വി പ്രകാശ് കുമാറാണ് ചിത്രത്തിന്റെ സംഗീത സംവിധാനം നിര്‍വഹിക്കുന്നത്. സ്റ്റുഡിയോ ഗ്രീനും നീലം പ്രൊഡക്ഷന്‍സും ചേര്‍ന്ന് ഒരുക്കുന്ന ചിത്രം നിര്‍മ്മിക്കുന്നത് കെ ഇ ജ്ഞാനവേല്‍ രാജയാണ്.
മലയാളികളായ പാര്‍വതിയും മാളവിക മോഹനനും ചിത്രത്തില്‍ പ്രധാന സ്‍ത്രീ കഥാപാത്രങ്ങളാകുന്നു. കൂടാതെ പശുപതി, ഹരി കൃഷ്‍ണൻ, അൻപു ദുരൈ തുടങ്ങി താരങ്ങളും ഭാഗമാണ്.
എ കിഷോർ ചിത്രത്തിന്റെ ഛായാഗ്രാഹണം നിര്‍വഹിക്കുന്നു. കലാ സംവിധാനം നിര്‍വഹിക്കുന്നത് എസ് എസ് മൂർത്തിയാണ്.
