വിഭവ സമൃദ്ധമായ ഭക്ഷണം…ആവശ്യത്തിലേറെ ചിക്കനും, ട്യൂണയും…”120-ാം പിറന്നാൾ” അടിപൊളിയായി ആഘോഷിച്ച് ക്യാഷ്യസ്

വിഭവ സമൃദ്ധമായ ഭക്ഷണം… ആവശ്യത്തിലേറെ ചിക്കനും, ട്യൂണയും…ക്യാഷ്യസിന്റെ 120-ാം ജന്മദിനം അടിപൊളിയായി ആഘോഷിച്ചിരിക്കുകയാണ് ഓസ്‌ട്രേലിയ ക്വീൻസ്‌ലാന്റിലെ ഗ്രീൻ ഐലൻഡിലുള്ള മറൈൻലാൻഡ് ക്രോക്കോഡൈൽ പാർക്ക് അധികൃതർ. 1987 മുതൽ പാർക്കിലെ അന്തേവാസിയാണ് 18 അടി നീളമുള്ള ഈ ഭീമൻ മുതല. ലോകത്തിലെ ഏറ്റവും വലിയ മുതല എന്ന ഗിന്നസ് വേൾഡ് റെക്കോർഡ് സ്വന്തമായുള്ള മുതലാണ് ക്യാഷ്യസ്.

വലിയ മുതലകളെ കുറിച്ചുള്ള അന്താരാഷ്ട്ര ഗവേഷണത്തെ അടിസ്ഥാനമാക്കിയാണ് ഇതിന് 120 വയസ്സ് കണക്കാക്കിയതെന്നാണ് മൃഗശാല അധികൃതർ പറയുന്നത്.

1984 -ൽ ഡാർവിന്റെ തെക്ക്- പടിഞ്ഞാറ് 81 കിലോമീറ്റർ അകലെയുള്ള ലാ ബെല്ലെ സ്റ്റേഷനിലെ ഫിന്നിസ് നദിയിൽ നിന്നാണ് ഈ മുതലയെ പിടികൂടിയത്. കയറുകൊണ്ട് കെണി ഒരുക്കി അതിസാഹസികമായാണ് മുതലയെ പിടികൂടിയത് എന്ന് മുതല ഗവേഷകനായ പ്രൊഫസർ ഗ്രെയിം വെബ് പറഞ്ഞു. 5 ഇഞ്ച് വലുപ്പത്തിൽ ഇതിന്റെ വാലും മൂക്കിന്റെ ഭാഗങ്ങളും നഷ്ടപ്പെട്ടിട്ടുള്ളതായാണ് അദ്ദേഹം പറഞ്ഞു.

എന്നാൽ കുറച്ച് വർഷങ്ങൾക്ക് ശേഷം ജോർജ്ജ് ക്രെയ്ഗ് എന്ന വ്യക്തി  കാഷ്യസിനെ വാങ്ങുകയും, 1987 -ൽ അതിനെ ഗ്രീൻ ഐലൻഡിലേക്ക് മാറ്റുകയുമായിരുന്നു. വാർദ്ധക്യത്തിൽ എത്തിയെങ്കിലും മൃഗശാലയിലെ ഇപ്പോഴും സജീവമായ മുതലയാണ് കാഷ്യസ് എന്ന് മൃഗശാല അധികൃതർ പറഞ്ഞു.