ഇംഫാൽ: സംഘർഷത്തിന് പിന്നാലെ മണിപ്പൂരിൽ കനത്ത ജാഗ്രത. ഉഖ്രൂലിലെ സംഘര്ഷം നിയന്ത്രിക്കാന് ജില്ലാ ഭരണകൂടം നിരോധനാജ്ഞ പ്രഖ്യാപിച്ചു. ആളുകള് കൂട്ടം കൂടിയാല് കര്ശന നടപടിയെടുക്കുമെന്ന് പൊലീസ് വ്യക്തമാക്കി. മണിക്കൂറുകള് നീണ്ട സംഘര്ഷങ്ങള്ക്കൊടുവില് ഉഖ്രുല് ശാന്തമാവുകയാണ്. പുതിയ അക്രമസംഭവങ്ങളൊന്നും റിപ്പോര്ട്ട് ചെയ്യപ്പെട്ടിട്ടില്ല.
Advertisements
കഴിഞ്ഞ രണ്ട് ദിവസവും ഇവിടെ കുക്കികളും നാഗകളും തമ്മില് ഏറ്റുമുട്ടിയിരുന്നു. ഇരു വിഭാഗങ്ങളുടേതുമായി അന്പതോളം വീടുകള്ക്ക് തീയിട്ടു. അക്രമം നിയന്ത്രിക്കാന് വന് തോതില് കേന്ദ്രസേനയെ ജില്ലയില് വിന്യസിച്ചിട്ടുണ്ട്. നാഗാ ഭൂരിപക്ഷ ജില്ലയാണ് ഉഖ്രൂല്. കുക്കി – നാഗാ യുവാക്കള് തമ്മിലുള്ള ചെറിയ സംഘര്ഷമാണ് വന് അക്രമത്തിലേക്ക് വഴിമാറിയത്.