ചേര്ത്തല: പനി ബാധിച്ച മകളെ ആശുപത്രിയിലേക്ക് കൊണ്ടുപോകുന്നതിന് ഇടയിൽ നിയന്ത്രണം വിട്ട കാര് പോസ്റ്റില് ഇടിച്ച് ഒന്നരവയസുകാരിക്ക് ദാരുണാന്ത്യം. ചേര്ത്തല നഗരസഭ നാലാം വാര്ഡില് നെടുംമ്പ്രക്കാട് കിഴക്കെ നടുപ്പറമ്പില് മുനീറിന്റെയും അസ്നയുടെയും മകള് ഒന്നര വയസുള്ള ഹയ്സ ആണ് മരിച്ചത്.
Advertisements
ഇന്നലെ രാത്രി 11.30ഓടെ ആയിരുന്നു സംഭവം. ചേര്ത്തല ഗവ. ഗേള്സ് ഹയര് സെക്കന്ഡറി സ്കൂളിനു സമീപമാണ് അപകടമുണ്ടായത്. പനി കൂടിയതിനെത്തുടര്ന്ന് കുട്ടിയെ മാതാപിതാക്കള് ആശുപത്രിയിലേക്കു കൊണ്ടുപോകും വഴിയാണ് അപകടമുണ്ടായത്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
കുട്ടിയെ ഉടന് ചേര്ത്തല താലുക്കാശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. കുട്ടിയുടെ പിതാവ് മുനീറിനും പരുക്കുണ്ട്.