കോപ്പ്-നോയർ കെന്നഡിക്ക് ശേഷം ഏറെ പ്രതീക്ഷയോടെ കാത്തിരിക്കുന്ന അനുരാഗ് കശ്യപ് ചിത്രം ബന്ദറിന്റെ ടീസർ റിലീസ് ആയി.ബോബി ഡിയോള് – ഇന്ദ്രജിത്ത് ചിത്രത്തിൻ്റ ഫസ്റ്റ് ലുക്ക് മുതല് കൗതുകമുണർത്തിയെങ്കിലും, പുതിയ പോസ്റ്ററും റിലീസ് ആയ ടീസറും കൂടുതല് ശ്രദ്ധനേടുന്നു. തിളങ്ങുന്ന ജാക്കറ്റ് ധരിച്ച്, ഇലക്ട്രിക് ഗിറ്റാർ പിടിച്ചുകൊണ്ട്, ഒരു റോക്ക് സ്റ്റാറിന്റെ രൂപത്തിലാണ് ബോബി ഡിയോള് പോസ്റ്ററില് പ്രത്യക്ഷപ്പെടുന്നത്. ശ്രദ്ധേയമായ വേഷത്തില് മലയാളികളുടെ ഇന്ദ്രജിത്ത് സുകുമാരനും ചിത്രത്തിലുണ്ട്. ഇന്ദ്രജിത്തിന്റെ ബോളിവുഡ് അരങ്ങേറ്റം കൂടിയാണ് ഈ പടം.
യഥാർത്ഥ സംഭവങ്ങളില് നിന്ന് പ്രചോദനം ഉള്ക്കൊണ്ട് ഒരു സെൻസിറ്റീവ് വിഷയം കൈകാര്യം ചെയ്യുന്ന കഥയാണ് ചിത്രത്തിൻ്റേതെന്ന് സംവിധായകൻ അനുരാഗ കശ്യപ് വ്യക്തമാക്കി. സീ സ്റ്റുഡിയോസിനൊപ്പം സാഫ്രോണ് മാജിക് വർക്ക്സിന്റെ ബാനറില് നിഖില് ദ്വിവേദി ആണ് ബന്ധത്തിൻ്റെ നിർമ്മാതാവ്. അടുത്തിടെ ഏറ്റവും വിമർശനാത്മകമായി ചർച്ച ചെയ്യപ്പെട്ട പാതാള് ലോക് , കൊഹ്റ , ഉഡ്ത പഞ്ചാബ് എന്നിവയ്ക്ക് പിന്നിലെ ജോഡികളായ സുദീപ് ശർമ്മയും അഭിഷേക് ബാനർജിയും ചേർന്നാണ് തിരക്കഥ എഴുതുന്നത്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ബോബി ഡിയോള്, സന്യ മല്ഹോത്ര, ഇന്ദ്രജിത്ത് എന്നിവർക്കൊപ്പം രാജ് ബി ഷെട്ടി, സപ്ന പബ്ബി, സബ ആസാദ്, റിദ്ധി സെൻ, ജിതേന്ദ്ര ജോഷി, നാഗേഷ് ഭോണ്സ്ലെ തുടങ്ങിയവരും ചിത്രത്തിലുണ്ട്. ടൊറന്റോ ഇന്റർനാഷണല് ഫിലിം ഫെസ്റ്റിവലില് പ്രദർശിപ്പിച്ച ചിത്രം മികച്ച ചിത്രമായി തിരഞ്ഞെടുത്തിരുന്നു. ജൂണ് 5 ന് ബന്ദർ ലോകമെമ്പാടുമുള്ള തിയേറ്റർ റിലീസ് ചെയ്യാൻ ഷെഡ്യൂള് ചെയ്തിട്ടുണ്ട്. വാർത്ത പ്രചരണം: പി.ശിവപ്രസാദ്.